تذكري يالرياض وسولفي عنا
لاسال وادي حنيفه عز جيرانه

سحابة الخير تمطر حيث ماكنا
ما ضميت نخيلنا ماهيب ضميانه

ماهان بيرق هل العوجا ولا هنا
لو راحت الروح يامحمد على شانه

الحكم فينا قديم من على اولنا
من باب سمحان الى المصمك وديوانه

قلنا وطلنا وشلنا الصوت واذنا
حنا امامه ومحرابه وقرانه

آمنت بالله وحنا فيك امنا
ياسور قصر الحكم ومثبت اركانه

سيف مجرب يابوسلمان ومحنا
خذا نصيب الأسد من ورث جدانه

اقلط على مقدم العوجا وخذ منا
محازمك ياطويل العمر مليانه

عيال سلمان ابن عبدالعزيز انا
ترثة معزي وحكم معزي امانه

شلنا الثقيله عليك وشلتها عنا
شالت كتوفك مقصاته و تيجانه

المجد لك ياوطن و العز لك غنا
الحمد والشكر للمعبود سبحانه

Sample comments about this video

"صوت بندر بن عوير و الحان يوسف الشهري .. الابداع اجتمع في عمل"

"ي هلا ي هلا ب بندر كل شيله اطلق من الثانيه 🤍🤍🤍"

"قسم يالكلمات والالحااان والصووت ولاغلطه وفقكم الله محبينكم من اليمن 🇾🇪❤"

"مبارك عيدكم أخوننا في مملكة الخير🇸🇦 ودام الله عزكم وعز الأمة العربية والإسلامية 🇾🇪"

"ما شاء الله تبارك الله أدام الله عليكم الأمن والأمان وكل عام وانتم بخير وصحة وسلامة"

"ابداااع...ابداااع... عمل قمة في الروعة والابداع... كلمات ولحن واداء ...كل عام وانت بخير ياوطني.. حفظ الله ولاة أمرنا بحفظه 🇸🇦🤍"

"المليونية قادمة ، حاز عندي على جائزة أفضل عمل وطني للسنة 👍🏼👍🏼"

"مو غريب الابداع عن بندر بن عوير اعششششششق شيلاتها بشككككل ❤️❤️❤️"

"عاشت المملكة العربية السعودية ربي يديمها في عز وفخر من محب يمني للمملكة ❤💚"

"ابدااااع يا ابو عوير اهنيك على هذا العمل الوطني الراااااااااائع 👍"