مع ربنا سلمت الأمر
واتعلمت أعيش بالصبر
واللي باعني في يوم وأذاني
مش هخسر عشانه العمر

الناس احفظ يا حفيظ
نواياهم شر إبليس
لو كنت غالي هيبعوك رخيص
مفيش طيب كله خبيث

شمال في شمال ودي السكة
حلال وحرام مش دي الفكرة
كلهم بيخونوا العشرة
ووشوش بتمثل الضحكة

كلاب مصالح.. كلاب فلوس
والفلوس غيرت نفوس
والغل والحقد محبوس
في قلوبهم.. بسواد مرصوص

جدعان مفيش جدعان
ده كان زمان.. ومفيش سلكان
غلبان مفيش غلبان.. خليك فهيمان
مش دايمه امان

مفيش تاني حنية
مفيش تاني طبطبة
مفيش قلوب وفيه
مفيش نفوس طيبة

عاشرهم وانت هتفهمهم
ده كلامهم غير أفعالهم
وقت الشدة بتفضحهم
خلي نجاحك يكسرهم

حب إيه يا خايب يا عبيط
وانت معاكش فلوس ولا سيط
صعب تلاقي حد بسيط
ويحبك من غير تشريط

صحصح كده وفتح عينيك
بص كده للي حواليك
مين معاك ومين عليك
هتلاقي كله بياكل فيك

مستنيين وقعتي
مستنيين صدمتي
وميعرفوش قوتي
وأنا لسه بصحتي

عيال وفاكره نفسها
عيال ونسيت اصلها
انا بابا وعمها
وانا اللي بدرس لها

Sample comments about this video

"دا مش كلام ف أغنيه دى مواقف حقيقيه في شخصية كل واحد حس كلمات اغانيك ❤❤"