يمه اكعديلي.. طاحت اعيوني عليج
والله لو بيدي.. امن الگبر يمه اشتريج
اجنازتج طلعت ..لو روحي طلعت
زينب اتريدچ .. امن الچفن طلعي اديج
ييمه اعليچ الحسين وعليچ انه
تفتحين الچفن تمشين ويانه
فرگتچ هدمّت بيتي اعله بنيانه
التموت امه اشينقذه غير دفانه
غمّضت عينچ ..وما غمض جفني بوراچ
چلبت بيدچ ..بس اجه الموت وخذاچ
والاخذ روحچ ..ما اخذ روحي
يسحن بگلبي.. يم حسن حافر جفاچ
تره اخطر عرضه للموت الفگد امة
ولو جاب الشمس للبيت هم ظلمة
يكون الام گلب وبصدرك اتظمة
وتره الوالدتة يمه محد ايهظمة
يمه رديلي.. عيشتي بدونچ ممات
يالكسرتيني موتتي بصفچ حياة
شمعة حياتي ..انتي وطفوها
انه عاطشتچ.. وما يرويني الفرات
صباح الخير ماتت يمه من متي
طوايف طيحيت اعليچ من رحتي
ما مقتنعه هاي البلگبر انتي
هاي البلگبر مدفونة سالفتي
راح احط خدي.. اعله الگبر واغفه بعذاب
وانتي لوليلي ..يمه هزيلي التراب
انه متعوده يمه اعله حظنچ
نگّعت گبرج والدمع زخة سحاب
بعد ياهي التگلي شصرتي وشلونچ
صرت عود وتكسرة الريح من دونچ
الف مليار واحد ما يعوضونچ
ما صارن زرگ لو ما سمه اجفونچ
رحتي مسطورة .. والجفن ازرگ حرام
التنسطر عينه .. ما يغمض من ينام
من بعد عينچ ..ما صحت عيني
لا عشت بعدچ.. اوياچ اموتن والسلام
التموت امة اعله چفة بالنِفس شلّة
يظل عايش ولكن يندفن كلّة
التكسر ظهرة والدتة انكسر ظلّة
وتظل علّة توشلة تذبه عالعلّة
يمة يالزهرة ..يا نبع نبع الحنان
بالگبر دوري ..لزينبچ مامش مچان
اندفن يمچ ..امنيتي هايه
باچر اعليه.. يندفع باب الزمان

Sample comments about this video

"قصيدة يمه اكعديلي الرادود مدين العياشي الشاعر علي هادي الخزعلي اليوم الاحد /شهر 2026/9/20"

"عظم الله اجورنا واجوركم بأستشهاد سيدة نساء العالمين فاطمة الزهراء عليها السلام"

"روي عن رسول الله صلى الله عليه وسلم) أنما سميت أبنتي فاطمة لأن الله عزّ وجل فطمها وفطم من يحبها من النار"

"سلام الله عليج يافاطمه الزهراء ام الحسن والحسين نريد الشفاعه منج يامولاتي"

"نعزي مولانا صاحب العصر والزمان عجل الله فرجه باستشهاد ام الائمه الطاهرين وام المسلمين فاطمه الزهراء سيدة نساء العالمين عليها السلام. ا حسنت ملا مدين تشفعلك الزهراء"

"ملا شنو هالصوت بسم الله ما شاء الله تعالى اللهم يوفقك ويحشرك مع محمد وال محمد 😢😢😢 شاعرنا كلماتكم قطعت نياط قلبي سلمت اناملكم وجوارحكم وقلمكم"

"رحمكِ الله يا أمي… منذ رحيلكِ وأنا لا أبكي لأنكِ متِّ فقط، بل أبكي لأنني عرفت متأخرًا أن بعض الغياب لا يعوّضه العالم كله. اللهم اجمعني بها يومًا في مكانٍ لا فراق فيه."