واحد ٍ ماهو من الاحزان خالي
ساتر ٍ حزنه عن العالم بكمه

عاشق ٍ من نجد وحبالي طوالي
وان بغيت أحب أحب بكل ذمه

ومتعلق ٍ فالكويت بشخص غالي
اعشقه واعشق ترابه واعشق أمه

والجحادر ماتعشق الا المعالي
وعاشقك يجري غلاك بوسط دمه

ينقل اشواقه على كف الليالي
كنه اللي رايح ٍ له في مهمه

يكشف اسراره على القلب الموالي
لين اخذ قلبه من الجوف إبن عمه

واقف ٍ بين الحقيقه والخيالي
وارقب عيونك وانا في راس قمه

ياغناتي فالوجود وراس مالي
من فتح لك قلبه الملهوف لمّه

مرخص ٍ مستقبلي واغلا حلالي
لجل عينك والشقي قربك يهمّه

لاتخليني مع أيامي لحالي
شوفتك تجلي عن المهموم همه