ذكرتك يالبعيد اللي على قلبي هو الأقرب
ذكرتك يالهجير اللي قتلني الشوق من شانه
أنا نبض القلوب اللي تحب وتعذب
أنا قلب اضطرب نبضه تجلط فيه شريانه

أنا صوت السكوت اللي على حس الصدى يكتب
أنا دمع العيون اللي حبس دمعة ورى أجفانه
أنا كلي أنا للي صدق حبه ولا كذب
أنا منلي سوى خلي وحيدٍ طحت بأحضانه

فديتك يالغرام العذب يالصادق ويا الأعذب
فديتك لو بغيت أجزيك ما ألحق لك أثمانه
أنا والله لو إني بدونك كان ذنبي ذنب
لكني رجيتك حظ من ربي وغفرانه

أنا صوت السكوت اللي على حس الصدى يكتب
أنا دمع العيون اللي حبس دمعة ورى أجفانه
أنا كلي أنا للي صدق حبه ولا كذب
أنا منلي سوى خلي وحيدٍ طحت بأحضانه

Sample comments about this video

"راشد ينزل اغنيه يخفي جمييييع الفنانين بالالبوماتهم سببها ثقل راشد الفني لايضاهيه فنان"

"راشد الماجد مو مجرد فنان، هذا إحساس وصوت يسكن القلب.. وأغنية نبض القلوب من الأعمال اللي تثبت أن الإبداع ما له عمر، ذوق وفن وطرب أصيل ❤️ 🎶 الله يعين قلوبنا في حبك يا فنان الكون"

"اغنية السنة من فنان السنين ثاني اعظم فنان في تاريخ الوطن العربي بعد ابو نورة محمد عبدة انت حتى صوت السكوت منك يطربنا انت صوت الطرب اللي على حزن القلوب يطرب ويعذب♥️♥️"

"راشد الماجد عندليب الارض بلا منافس ولا احد بيجي مثله.. ماله شبيه ."

"مهما طلع كلام أو نقد، الأغنية قطعة من الجمال وصوت راشد فيها لحاله كافي يخليها بالقمة.. ذوق وإحساس وفخامة ما يختلف عليها اثنين."

"راشد ختم كلمة فن والله 😍 كلمات و صوت و لحن 😍 اغنيه من وحي الخيال يا كبير الفن 😍😍"

"منو يتذكر موقع و منتديات مملكة الفنان راشد الماجد .. المحاربين القدامى 💔"

"ياحيّ هالصوت يانبض القلوب انت يابو طلال لاحرمنا الله صوتك ♥️"

"كبرنا على وحشتيني وشرطان الذهب والمسافر ووينك حبيبي ووووو .. ووصلنا نبض القلوب وبارت انا والله لو اني بدونك كان ذنبي ذنب واكتشفنا اننا للحين واقفين بالعمر معاك ❤️"

"الكلمات تجنن واللحن ماهو ذاك الزود لو لحنها الهرمي كان صارت اغنية السنة كلها"