الشتا بين حبيبي
وانت ابد مابينت
وبده الجو ايصير بارد
بعدك الوحدي نمت

صارت ايدك مو بديه
حضنك الما مر عليه
اويلي لو تعرف بدونك
بعدك اني اشصار بية

اتحملت كومة حچي
مو حلو يمتى تجي
كلهم ايگولولي عافك
بعد منك ماكو جية

صورتك بيدي حبيبي
وحتى عطرك بيها خال
وبالغياب احضنها اني
حتى بس يهدالي بال

كل رساله اجتني منك
ارجع اقراها واحنلك
ومن يزيد الشوگ بيه
اتخيلك يمي واحضنك

صرت اهوجس اني بسمك
يمتى الگه روحي يمك
صح اكو بالدنيا غيرك
بس حبيبي ماكو منك

Sample comments about this video

"بصراحه احجيلك اول مره بحياتي انتظر اغنيه بفارغ الصبر وكلً لحظه اسمعها اكثر من خمس مرات اول شي اهنئك ع اختيار الكلمات ثاني شي الاغنيه موثرة جدا 😢 تحطم المشاعر"

"وحق الله اليوم اسوق طريق خارجي وانتظر بالاغنية طبيت ملكيتها نازلة جان ينعقچ واهسي .. طبيت عالستوري مالتك يا فيصول جان اشوف انه تأجلت لباجر وان شاء الله كل تأخير وبي خير يارب وكل التوفيق يا وردة"

"إغنيه جميله يلي يريد يستمتع بيها يسمعها أكثر من مره راح تحس بيها وتحبها لإن ما بيها إيقاع راقص شي مختلف هذي موفق فيصول الحب"

"انتظرها من اول اعلان لها ... وربي صوت فخم الابدااااااع العراقي ♡"

"ورب الكعبة صارلي زمان انتظر الأغنية بفارغ الصبر الصوت الكلمات عذااااب مؤثرة جدا🥺💔😞"