زادت جروحي حبيبي
من رحت عني ومشيت
كون اموت ولا فراقك
شنسه منك لو نسيت

مخنوك ماحس بالنفس
حيل خانقني غيابك
ويه الصور احجي واعاتب
ليش عايفني لعذابك

مو براسي بقلبي شيبي
تنزل دموعي من اذكرك
يامحمد مانسيتك
ضل اثر بانفاسي عطرك

يكسر الخاطر وداعك
وياكل بقلبي الحنين
قلبك انطاك وعفتني
جرحك بطول السنين

خلي تعمه عيوني بعدك
ولاشفت بيها الضوه
خبر منطيني على موتك
على اقل متنة سوة

انا مفارق اعز ناسي
مو وفي وعايش بدونك
ليش باقي ونته ماكو
بالقبر نامت عيونك