اذا بتروح وتتركني ونتفارق لي وين اروح
انا بعدك بظل عايش بألم وجروح
فمان الله يا مفارق بلا اسباب

على شاني ابيك تذكرني طول عمرك لاتنساني
وعد مني ما أحب غيرك احد ثاني
انا موجود لك دايم رغم الغياب

يعني عادي خلاص هانت عليك العشره وايامي
يعني عادي تغيب وتلقى حبيب وضيع غرامي
يعني ترضى علي تترك ايدي وما القاك جدامي
قولي وين اروح

ماكنت اظن يجي يوم وما اشوفك انا يمي
وصوتك اللي ماغيره يشيل همي
صعب اتخيل الدنيا انا بلياك

ترا صعبه اغانينا وليالينا عليك تهون
سوالفنا واماكنا ننساها شلون
وانا كل حب عمري بس لقيته معاك

انا مالي سواك اي انا ذاك اي عايش عشانك
واللي ماجفاك همه رضاك وبقلبه مكانك
واذا بعدي تبيه تامر عليه ما انساها ايامك
قولي وين اروح

ولآخر يوم في عمري
بشيلك داخل بصدري
بكمل مابقالي كله في ذكراك

اذا بتروح

Sample comments about this video

"معقوله الإنسان ضعيف لدرجة أغنية وحده قادره تشتت الحُزن اللي ضلينا نجمعه سنين؟.."

"التعليقات اغلبهم إذا مو كلهم مواليد ال٩٠ وبداية ال٢٠٠٠ 🥹🥹🥹💕💕 ايييي هذي موووود الأغاني الصح مب مثل أغاني الحين كلها هبد ، شكرا عبدالعزيز و عبدالله ✨"

"كانت " اذا ناوي تروح " في ٢٠٠٩ واليوم بعد ١٧ سنه صارت " اذا بتروح " كأن الأيام مرت والالم نفس الألم.💔"

"واو واو كل كلمه كدا تدق بوسط القلب وترجع ذكريااات توقعنا اننا تخطيناها بس بأغنية وحدة رجعت للصفر ثااااني"

"اسمعها و انا لللاسف مفارقه اكثر انسان حبيته من كل قلبي اشتقت له و انتوا الاثنين ما قصرتوا يبتوا الاغنيه ع الجرح 🥲🥲🥲🥲🥲🥲"

"ابدااااع ،، ذكريات اغنية اذا ناوي تروح 😍 عبدالعزيز انت فنان لن تتكرر 🌹"

"يا مجننننووووووونننن ❤️❤️❤️❤️😞😞 بدت الشتوية وانا بلندن بالنسبة لي بذي الاغنية 26.09.29 اخخ قلي وين اروح"

"احنا ماتخطينا اذا ناوي تروح من ١٧ سنه عشان ترجع لنا بـ اذا بتروح اخخخخ😭😭"

"ريحه ٢٠١٠ والذكريات وصديقات الثانوية والجامعة والحياة الحلوة شلون كانت حلوه والمخ الفاضي 💔"

"رغم اغنية اذا ناوي تروح قديمه جدا الى انها تفوقت من كل النواحي على هاذي الاغنيه من خلال الاداء الصوتي ولكلمات ولموسيقى وتوزيع"