كلش غريب إبلا وطن * رد و الصبر . يعتـازه
وياها حَبْ يمشي العمر * مو يمشي بيها جنازه
خطواته حيل إتكلّفه * اليدفن بدينه إعزازه
رجعة علي ابلا فاطمة * إيريدلها ألف عكازه
رد . مايشوف الوادم * مدري اشدفن وي فاطم
گاضيها . وَنْ * دافن وطن * هالليله
چان الصبر . چن محبسه * راح ورجع من دونه
رد . عنده أزمه ابخطوته * بس الله چان إبعـونه
جنازتها مو ذاك الثگل * بس هدّلت له امتونه
چان التراب الـ عالوجه * يشرب ابدمع اعيونه
رد والمناحه إتگوده * و ادموعه ترس اخدوده
اسنينه انتهن * دافن وطن * هالليله
مُر ( الصبر ) بس عد علي * يختلف عن هــالوادم
بس ويّه قنبر بي شَبَه * عاش ويه حيدر خادم
من چان عد فاطم نَفَس * ينزل ويصعد سالم
عبده الصبر بس إنعتق * راح أويه دفنت فاطم
دفنتها چانت تهضُم * تراب وضلعها أمورّم
ويه الورده چَنْ * دافن وطن * هالليله
رد . منها بس لازم علي * يلغي الصبح وانفاسه
هاي المراسم والدفن * صوّرها كلها إحساسه
مو بس حواسه إتشم حرگ * من الجدم حد . راسه
كل ناسه چانت فاطمه * و رد . من دفن كل ناسه
اتصور علي وحنيته * وبيّنت معالم بيته
لـ أم بيته حَنْ * دافن وطن * هالليله
والمشكله الـ بيته إقترب * وبالبيت ماكو احبابه
والمعضله الأدهى وأمَر * لازم يطب من بابه
لازم حِذِر من يِفْتَحَه * وما يسحگ اعله اعتابه
الباب الكتل أم و إبن * كلش جديد اصوابه
يم بابه گاعد ينحب * بس يدخل إتفز . زينب
إزغيرت مِحَن * دافن وطن * هالليله
بنت الحزن وام الحزن * لازم علي إيسميها
بعده أخضر تراب الگبر * للزهــرة شيوديها
الفايض صبر وشل صبر * چا . هيه شيضل بيها
خايف لتلطم عالگبر * ومتونهــا أتأذيــها
ولعيون منها إتغورگ * إزغير المتن ويزورگ
إحتار وصْفَنْ * دافن وطن * هالليله
Sample comments about this video
"عدنة مجلس اني اقرة ويه الملاية اجيت اختار قصيدة ادعولي أنجح من السادس ويتحقق الي بالي😭"
"ملا مدين شنو هالابداع (٣) مقامات في قصيده واحدة بالاضافة الى التوقيت الصحيح والتناغم الجيد اثناء التحويل بين المقامات . موفق يا حبيبي الموقر 🤲🏻🤲🏻🙏🏻🙏🏻"
"😭نداء من شمال شرق غرب بريطانيا 😭عظم الله لنا ولكم الاجر ياسيدي صاحب الزمان 😭الليالي الفاطمية ربي يوفقك ملا 👇🏻ربي يحفظك ملا مدين 😢😢"
"السلام عليك يا مولاتي يا فاطمة الزهراء ورحمة الله وبركاته عظم الله أجركم يامولاي ياصاحب الزمان"
"سلام الله على مولاتي فاطمه الزهراء وعلى والديها وبعلها وبنيها وسر المستودع فيها برحمتك ياارحم راحمين"
"رد مو علي هالليله كوه الجدام اتشيله😢💔🥺 يا مولاتي يا فاطمة الزهراء 😭"
"امشي عليك ضلع فاطمه الزهراء امشي العباس ع الحسين يسهل لي متحان يوم الاحد بجاه فاطمه الزهراء دعواتكم"
"❤ اللهم صل وسلم على نبينا محمد وعلى آله وصحبه أجمعين وسلم تسليما كثيرا إلى يوم الدين اللهم امين يارب العالمين"
"اللهم صل على محمد وآل محمد الطيبين الطاهرين وعجل فرجهم والعن أعدائهم أجمعين من الأولين والآخرين إلى قيام يوم الدين"
"انت المعزى ياسيدي ومولاي يا صاحب العصر والزمان وعجل الله فرجك الشريف بحق محمد وال محمد ساعد الله قلبك ياسيدي ومولاي يا أمير المؤمنين علي بن ابي طالب عليه السلام"







Yorumlar
Yorum yazabilmek için giriş yapmalısınız.
Bilgi: Butona tıkladığınızda xloji güvenli giriş sayfasına yonlendirileceksiniz. Giriş yaptığınızda otomatik olarak bu sayfaya geri döneceksiniz. İlk giriste hoş geldin enerjisi tanımlanır.
Yorumlar yükleniyor...