يا تراب الگبر امي اشلونها
ارد اسئلک هم تغیر لونها

یاتراب اشلون حال الوالده
الماتنام الا انام امعوده
هسه نامت والگلب ضل وحده
ماحسبت احساس اعیش ابدونها

اشگد حَچیهه امعَدَّل او دافي و مریح
همس تحچي اویانه ما چانت تصیح
تتعب إنهار و مسه ما تستریح
التعبت إعلیه عمر ممنونها

اه یاریته یرد ذاک الزمان
عالصِماط اتلمنه واشمحله المکان
ما کَلَتْ حد ما کَلِینه ام الحنان
العافیه چانت ترس ماعونهه

لون اتمرض تضل تبچي ابسکوت
بالصلاه تدعي یربي وبلقنوت
يا الهي گبل ابني ریت اموت
اتهل دمع حد ما إطیب اجفونهه

من چنت بگماطي اباول سنین
چانت اتلولیلي واتگول ابحنین
ابني اریده ایصیر خادم للحسین
و تصب لجل حسین دوم اعیونهه

باول اسنیني امي شالتني ابتعب
و انا شلت امي إبتابوت الخشب
بلگبر یا وسفه دفنیت الذهب
و یا سوالف حلوه ماتت دونهه

والسوالف امي مشتاگ اشکثر
سلوتي ابشیلته من اشتم عطر
للحدیقه الورده مو مالت گبر
اشلون شمعة بيتنا ايچفنونها

Sample comments about this video

"قصيدة امي شلونها الرادود مدين العياشي الشاعر دانيال الدليمي اليوم الاثنين شهر ~نوفمبر~/2026/11/9"

"😢عمت عيني عليج يايمه الله يساعد الحسن والحسين وزينب على افراك الزهراء"

"اللهم احفظ هذه الحنجرة بحق الزهراء في ميزان حسناتك اخي مدين"

"اخ يايمه شكد معدله الف رحمه على روحج الطاهره 😭😭 يابعد روحي يايمه"

"ادعوا لامي بيها مرض السكر واني هم ادعولنا بالشفاء هيه حالتها طارئة اكثر مني لان هسه رجلها مورمه ومزوركه واتمنى تتشفى ومتروح مني 🫶🏻💔.."

"طيب الله انفاسك ملا مدين الله يطول بعمرك لخدمه الامام الحسين .وخدمه أهل البيت. ."

"اللهم صل على محمد وال محمد وعجل فرجهم أحسنتم وجزاكم الله خيرا إبداع...."

"😭نداء من شمال شرق غرب بريطانيا 😭عظم الله لنا ولكم 😭الاجر 😭 👇🏻يا صاحب الزمان ربي يحفظك ملّا ويوفقك 😭😭"

"صدقة لامواتنا صلو على محمد وآل محمد اللهم صل على محمد وآل محمد"

"من اول بيت بجتني عاشت ايدك اخر قصائد ادمان و اسئل الله ان يوفقك لخدمة محمد وآل محمد بحسن صوره"