من الكوفه والشام
للغاضريه
ردلكم وجاي
ضعن السبيه

اول مره اطيحن من على الناگه
طيحت فاجده ولخوتهه مشتاگه
ومحد غيركم يوجعني بفراگه

يالحدر الترايب مالكم گومه
رديتلكم من الشام مهضومه
والملچوم يعرف حچي الملچومه

لا فزعه لا صوت
للهاشميه
ردلكم وجاي
ضعن السبيه

رحت ابروسكم وابروسكم جايه
ورديتلكم من الضيم شجايه
ولآ طمنتو زينب حتى بحجايه

ها يالماكو بالدنيه ابمحنتكم
ومامش خوه تنحط فوگ خوتكم
مو للماي عطشانه اعله شوفتكم

امن الناگه للگاع
طحت اعله اديه
ردلكم وجاي
ضعن السبيه

اگعدو وگابلوني وخل اگابلكم
نفضو اترابكم واتلگو زينبكم
حگ الخوه اريده وبي اطالبكم

هاي آني العزيزه ام عون هاي آني
شو محد گعد منكم تلگاني
رديتلكم ومتعوبه يخوآني

معقوله ما گام
واحد عليه
ردلكم وجاي
ضعن السبيه

هذن نسوانكم من السبي وصلت
ويم گبوركم فرض الدمع صلت
بس عدكم عزيزه وياي ما ضلت

يا ثگل الامانه وياي التودت
من اثمانينكم بس وحده ما ردت
يم راس العزيز حسينهه اتبدت

يم راس الحسين
ماتت رقيه
ردلكم وجاي
ضعن السبيه

مدري چم خرابه وسوگ طبينه
مدري شكثر وادم صدت علينه
ومدري شلون رحنه وهسه ردينه

آنه وليلى وام جاسم سوه نلتم
وكل ديره النطبهه ينصب مأتم
وحرام انچان جفني من التعب سلهم

متعوبه والشام
ما خله بيه
ردلكم وجاي
ضعن السبيه

يا محله الاخت واخوانهه وياهه
ما چان الوكت للشام وداهه
ومن اربع جهات اتحيطهه اعداهه

لو ما الله شاء وامشي مسبيه
ولو ما چف علي السجاد عوچيه
ميته ابيوم حرگو خيمتي عليه

ضل بس علي وياي
ابدرب المنيه
ردلكم وجاي
ضعن السبيه

Sample comments about this video

"عاشششش عليك هاذه الصوت وعليك هاذه مصاب اذ شفت تعليق ماخليت لايك 😢"

"شجاي تسوي بينا ملا گطعت گلبي😢 الله يحفظ هالصوت والله يحفظ شاعرها موفقين بحق سيدتي ومولاتي زينب عليها السلام"

"العمر فلسين ما يسوى بلا حسين وبلاوي الناس ما توصل بلا حسين صار سنين أنا مجلب بالحسين ومن حسين متروسات إدية"

"هنيئا لكم هذا العزاء وان عين رسول الله صلى الله عليه واله عليكم ومن كان مع الحسين يزداد قدرا ورفعة"

"هذا القصيدة جميلة و فيها عبرة وحزن جداً عميق الله يوفقكم لخدمة الحسين ع"

"فده لخوتكم تعالو شوفو خوتنه تشيب الرأس يا ابو فاضل دخيلك😔😭💔"

"السلام عليك ياسيدتي يا زينب الكبرى صلوات الله وسلامه عليك وعلى ابائك وابنائك الطيبيين الطاهرين"

"✨طيبوا أفواهكم بذكر الصلاة على محمد وآل محمد ✨ 🌸اللهم صلِّ على محمد وآل محمد وعجل فرجهم والعن عدوهم 🌸"

"✨الجالسون على هواتفهم سجل حضورك اليومي بقراءة دعاء الفرج ✨ 💚اللهم كن لوليك الحجة بن الحسن صلواتك عليه وعلى آبائه في هذه الساعة وفي كل ساعة ولياً وحافظاً وقائداً وناصراً ودليلاً وعيناً حتى تسكنه أرضك طوعا وتمتعه فيها طويلا برحمتك يا أرحم الراحمين 💚"

"امانه كل من يشوف تعليقي يندعي الابني بالنجاح والتوفيق هايه السنه نفسيته كلش منهاره"