ابنهه راح يموت ابنهه
حضنهه مشتاگ لحضنهه

امي نور عيوني الما تعيش بدوني
شلون اعيش بدونهه ايامي
الچنت دوم ابالهه مَلِك چنت بجالهه
قبل من احلم تصير احلامي

امي هوه شلون الباب يعصر هوه ياعالم
امي ضوه بشكل احجاب امي شذر للخاتم
ادم بلا ام مخلوق اتمناهه امه ادم

حزنها ذابحني حزنها
حضنها مشتاگ لحضنها

امي خير وعافيه چنهه ماي وصافيه
شايله اعله الراس چانت بيتهه
الحچي شگد هوايه إلِّيمه أحله احجايه
اتگلي ها لو قبل ما ناديتهه

الشالتني بالحمل اشهور تالي بنعش مشيوله
الچانت تفرحني دوم بچتني دم معقوله
من راح طول امي شصار صار النهار شطوله

جفنها من غمض جفنها
حضنها مشتاگ لحضنها

امي احنه نطوفهه الكعبه بين اچفوفهه
الكون درهم جان فوگ ابهامهه
شلون طلعة روحها النار ليش اتلوحهه
وهيه جنه تمشي تحت اقدامهه

بگد ما صحت امي وين شيبي طلع بلساني
والماتت امه يا ناس من دنيته شيتاني
كلما اشوف البسمار ماخذ مكان احضاني

متنها صار ازرگ متنها
حضنها مشتاگ الحضنها

للگبر ويايه جبت المصلايه
اذن الاذان يمَّه گومي
وسكته متحاجيني بچت وشگد عيني
امسح وخلصت اردان اهدومي

يوميه ارجع للبيت بس انتي ماكو بصفي
بگد ما دعيت ترجعين خضر دعاء بچفي
شمعه حياتي بصحراء مجبوره لازم تطفي

غصنها شيرجع غصنها
حضنها مشتاگ لحضنها

امنيه بالخاطر تجي بيوم العاشر
اخ يمه وخيل فوگ اضلوعي
ثوب تنطي لزينب لو طحت يتسلب
وعالرمح وانه عله امي دموعي

اتمنيتج انتي تحضرين تشوفين گلبي وضيمه
ومن العيال ايركضون تطفين حرگ الخيم
اتعينين زينب بالليل من تضل وسط الهيمه

اعله رمحي ناديت ابضعنها
حضنها مشتاگ لحضنها

Sample comments about this video

"(قصيدة امي خير وعافية ) (الشاعر حمزه السماوي) (الردود مدين العياشي ) (شهر 2026/10/20) (اليوم الثلاثاء )"

"عمت عيني عليج يا زهراء وعلى اعيالج شلون فاركوج يارب دخيلك على هالمصاب،،😭😭😭😭😭😭😭😭😭😭"

"اللهم صل علىفاطمة وابيها وبعلها وبنيها عدد رضاك ربي وزنة عرشك رحم الله امواتنا خاصة الامهات"

"ماشاء الله يا ملا مدين ماهذا الصوت الشجي وما هذه الكلمات التي تلامس القلوب💔 أسأل الله بحق السيده الزهراء العظيمه ان يرزقك رضاها وشفاعتها 🤍"

"الله يحفظ جميع امهاتنا يارب والله يرحم المتوفين بحق محمد وآل محمد مبدع ملانا ❤"

"رحم الله والديكم جزاكم الله خيرا وفقك الله لخدمه اهل البيت ع جعله الله في ميزان حسناتكم وحسنات والديكم عمت عيني عليج يامولاتي يازهراء ع الله يساعدج قلبج يامولاتي يازينب ع الله يرحمج يانور عيوني يايمه ياحبيبه 😢😢😢"

"انشالله كلنا نجتمع تحة راية الحسين يوم القيامه بذكر الصلاة ع محمد وال محمد الطيبين الطاهرين ❤"

"اللهم صلِ على محمد وآل محمد 🤍 موفق ملا انشاءالله 🤍"

"أعظم الله لنا ولكم الأجر ملا مدين العياشي 😢باستشهاد سيدتي ومولاتي فاطمة الزهراء سيدة نساء العالمين 😢"

"اللهم صل على محمد وآل محمد وعلى فاطمة وابيها وبعلها وبنيها ولسر المستودع فيها"