يا فاطمه يا أمنا أيا زهراء

آنه أمكم . بِيدي الموجوعه هاي امسح ألمكم
نعم عيني صُفِعت
لكن رغم كلشي بقت عيني عليكم
وانتو ولدي . حتى من ادعو إلهي بيكم أبدي
أنسى ضلعي المنكسر
وانسى الألم واجبر أظل كل كسره بيكم
طرقوا بابي . آنه ما يتأخر اعليكم جوابي
للكسَر ضلعي اطلعت
كيفَ انتو ولدي وما أجي افتح بابي ليكم؟!
يالزچيه . إنتو من صحتوا أنه المديت اديه
صحت إلكم شيعتي
فلتطمئنوا وللأبد آخذ بديكم
أمّاه
ما كلُّ هذه (الحنيه) ؟!
وسر الحوائج المقضيّة
كل القلوب إذا تگصدلچ
راضيةً ترد مرضيّة

يا قيّمه وجليله ورحمه
بس ننجبر نگلّچ يُمه
عطفچ غمرنه يا مولاتي
وهاي الحياه بدونچ ظلمه

الدعوه المجابه التحسن الخواتم
بفاطمٍ بفاطمٍ بفاطم

واعلينه لو دار الزمن
ما عدنه غير ام الحسن
بالغربه نلگاها وطن

إسمچ نگوله ونشعر بعدنه احياء
يا فاطمه يا أمنا أيا زهراء

قبري مخفي
لكن اوياكم أنا وما يخفى عطفي
عنكم ادفع بالشدد
والله مثل ما أدفع الباب بإديّه
بدعوة أمه
يعيش الإنسان ويفرج الله همه
وانه أمكم فاطمه
واقضي الحوائج بالليالي الفاطميه
بيدي آني
جمّعت أهلي بالقماش اليماني
وبمخيّم مأتمي
بيديّه أجمع أهل الگلوب النقيه
وبمرادي
آنه ما راح انسى كل هاي الأيادي
واهمس آية لكل جرح
وامسح على العين التظل تبچي عليّه

أماه
لعينچ نقدْمِ العيون احنه
وفدوه إلچ تره لو طحنه
كلشي نفگده هيّن لكن
كسر الضلع يظل جارحنه

يا سيدة على ابناء آدم
انتي سبب وجود العالم
ما خابَ من ندب يا زهراء
وخط إسمچ بعقيق الخاتم

يا سيدة نساءِ العالمينَ
حبًّا نموتُ كيفَ علّمينا

بين الأرض بين السمه
حلقة وصلنا الراحمه
ما عدنه غيرچ فاطمه

ذكرچ يعم بالرحمه على الأرجاء
يا فاطمه يا أمنا أيا زهراء

شايفتكم
وادري بالدنيا وأهلها متعبتكم
والسبب يا شيعتي
هذا اليحب ام الحسن ويوالي حيدر
كلشي ضدكم
بس منو يضركم و أهل البيت عدكم
تضحيتكم والتعب
الله يعوضها ويرد كل يابس اخضر
وبصبركم
عالمواجع عظم اللهُ أجركم
والقلوب المتعبه
خل تطمئن باچر بقيّة الله يظهر
بالنهايه
لازم لشيعة علي مرفوعه رايه
والجرح يلگه الدوه
ومهما كبر همكم تره الله أكبر

أماه
ما أجمل الفداء بدربچ
فاز الوگع شهيد بحبچ
يا فاطمه نوينا الجنه
هل تفتحي لنا باب گلبچ

يطيب الجرح إذا تنظرينه
وما ضايع اللذي تلزمينه
جيّتنه للحياة نخدمچ
يم الحسن خدم قبلينه

يا جنة الله بشكل أميره
يا فاطمة يا ندبتي الأخيره

يا فاطمه طول العمر
يا فاطمه وكت الگبر
يا فاطمه يوم الحشر

يروينه عطفچ فاطم عذوبة ماء
يا فاطمه يا أمنا أيا زهراء

Sample comments about this video

"كل يوميه ادخل للقناة علمود القصيدة طالب معيد فمن يعز عليه امر طلاب السادس لا تنسونا من الدعاء"

"يمكن اول مرة اكتب هكذا تعليق صدقة جارية أفلح من صلى على محمد و آل محمد و ذكر امام زمانه"

"كالعادة ، تأتي اللّيالي الفاطميّة بكلّ حنانها ، وبوقتها المناسب تمامًا ؛ لتمسح علىٰ الخواطر."

"بحار الانوار الكافي العدة ، عن احمد بن محمد عن الحسين بن سعيد عن النضر عن هشام بن سالم عن ابي عبد الله عليه السلام قال سمعته يقول عاشت فاطمه بعد رسول الله صلى الله عليه واله خمسة وسبعين يوما لم ترى ولا ضاحكه تاتي القبور الشهداء في كل جمعه مرتين الاثنين والخميس فتقول عليها السلام ها هنا كان رسول الله وها هنا كان المشركون وفي روايه ابان عمن اخبره عن ابي عبد الله عليه السلام انها كانت تصلي هناك وتدعو حتى ماتت عليها السلام"

"‏"التَوُسلاتْ المَشفوعة بإسم فاطِمة الزهرَّاء مُحالٌ أن تُرد" إلٰهِي بفِاطمة 💔🤲 ..."

"ممكن كل ماسمعونها ادعولي اخلص من السادس لان هاي سنة الثانيه إليه 🤍"

"الفاتحة ع روح الشهيد حسين صفا💔 الي صور ام الوجود الجزء ١"

"‏سَيدي يا صَاحِب الزَمان إن كنتَ عندَ قبر الحبيبة فاطِمة قلدناكَ البُكاء والزيارة أنتَ المُعزى ياصاحِب الزَمان بِـ مُصاب أمَنا فاطِم....💔🥀 السلام عليكِ يا أماه يا فاطمة الزهراء روحي لها الفداء 💔"

"مهما كاَْنَ جُرحً قلّبگٍمٌ عمٌيِقاً لّنَ يِگٍونَ بعمٌق جُرح مٌولّاَْتٍيِ فُاَْطمٌةّ مٌنَهًاَْ اَْلّرحًمٌةّ 🥀💔💔💔آه يازهراء"

"ادعولي لعل أحدكم أقرب مني إلى الله 🤍 السلامُ عليكِ يا اماهُ يا الفاطمة الزهراء 🤍❣️"