الصقور اللي لها فالجو حومه تردم حصون العدو فوق المباني
ضيقت حتى على الخاين هدومه والله إن يبطي وهو منها يعاني
و الجبال اللي تذريه مهدومه علم الأحزاب من قاصي و داني
راية التوحيد بالسيف معصومه فالثرا والا على سهيل اليماني
صاح صياح الولا شعب و حكومه صوت واحد كلنا حب و تفاني
موطني يا جعل يومي قبل يومه عمري الفاني بدونه .. عمر فاني
ما طمع فالحرّ الأشقر غير بومه بشروها بالعزا .. عقب التهاني
متعبين ارواحكم طيحه و قومه تزرعون اليأس في روض الاماني
دارنا عن تبع الفرس محشومه مهبط القرآن و السبع المثاني
كل نذل و كل فاجر فالخصومه و كل من باع الضمير و كل جاني
لا نوانا بالغدر .. عجل بيومه مضرب الأجرب على جدب المحاني
خيل العوجا والأحزاب مهزومه والله الواحد .. ولا لله ثاني

Sample comments about this video

"قصيده كانت تستحق الاكثر من ناحية لحن وغناء، الاغاني الوطنية وقت الأزمات تحتاج ايقاع عسكري حماسي او الحان فلكلورية (مثل العرضة أو الألحان الحماسية التراثية) اللي تخلي جلد الانسان يقشعر لا سمعها هذا اللي كنا نحتاجة ودوم نحتاجة لان ما عندنا اغاني وطنية بهذا الشكل وطفشنا من الاغاني الوطنية بألحان الحفلات والزواجات"

"راشد قال : موطني ياجعل يومي قبل يومه (قالها نيابه عن كل مواطن سعودي ) كلنا فداء للوطن🇸🇦🤍"

"لا يرتقي يكون عمل وطني اغنية في افضل الأحوال اغنية اعراس 😅"

"الدقه واللحن رهيب صوت الوطن راشد الماجد و اعجبني دخول طلال سلامه. 😍"

"يارب تخلي السعودية وتحفظها وتحفظ ارضها وحكومتها وشعبها من شمالها للجنوب وشرقها لغربها يارب 🇸🇦❤️"

"عباس ابراهيم مهما طال الغياب بعد كل هالسنين لازال فارق فارق جدا 🎵💙"

"اللحن بااارد لا يعبر عن الكلام وعن الأحداث الحالية ،،اللهم احفظ وطنا الغالي🇸🇦🤲"

"مالكم علي حلف ان دموعي في عيوني يابعد عمري يالسعوديه يارب تحمي وطني ، ياكثر غلاك ❤"

"عبادي الجوهر واقطعععع ❤ الله يديم علينا نعمة الأمن والأمان ويحفظ دولتنا من كل شر🇸🇦🇸🇦🇸🇦🇸🇦🇸🇦🇸🇦"

"ارجوكم وصلوني للفنان عباس ابراهيم سيكون فنان العرب الجديد بلا منافس وانا مسؤول عن كلامي مجهز له أعمال وألحان عاليه المستوى تخلد للتاريخ وتسطر للزمن وتسجل للتراث السعودي كانت في طريقها للفنان طلال مداح ولكن توفاه الله رحمة الله عليه محمد بن حسين آل المحمد الرياض"