غنيت لكل
شمس قابلتها
ورقصت على نور
القمر من بعدها
ولقيت حبيبة
وبصوتي العالي غنيت ليها
وضحكت على نكت القدر
ومشيت وداريت
ورقصت تحت المطر

جوا عيوني الف مرايا
تحكي عني الف حكاية

بكتب عن نجوم
حضنتها السما
حاوطتني الهموم
وهربت في حلمي انا
عشت الحياة ولعبنا سوا
كسرت عينها وعمري استوى

وكتبت اشعار ع الحيطان بالألم
ورسمت حلمي ع البيبان بالقلم
والشعر شاب قبل الأوان
انا لسة شاب زي زمان

جوا عيوني الف مرايا
تحكي عني الف حكاية

Sample comments about this video

"مش قادر اوصف سعادتي اول ما سمعت صوت هواري والله زمان يا هورس نفس احساس قبل الوصول"

"اغاني كاريوكي بتجيب فيا حنين للماضي التمانينيات اللي معيشتهاش (انا مواليد 2009)"

"اخر البوم كان وانا في ثانوية عامة ... انتوا الحقيقة الوحيدة اللي ثابته في دنيا الوهم دي يا كايروكي♥️"

"معانا مخزون غنائي يكفينا 5 سنوات لقدام يا شباب بعد دا واجمل شي رجعت سماع صوت هواري ❤"

"ننضف ودانا من كل الي سمعناه طول الصيف بقا ياريت امير عيد و فرقته يكتبوا كلمات جميع الاغاني في مصر انقذتوا الفن❤"

"الأغنية دي لما تتسمع كتير هيكون ليها بصمة كبيرة في الألبوم"

"أغنية شتوية كئيبة 🤍… الراعي الرسمي لشتاء 2027 في العموم ."

"الساعة 12:17ص تاريخ 2026/8/4 يتم الاستماع الى الالبوم الجديد اتمنى تكون الايام الجاية أخف."

"اغنيه الهواري بتاعت كل البوم اللي بتهشم ذاتك وترجعك للصفر تاني"

"تحفة بجد والالبوم فيه اغاني بتواسي وتحسسك انك مفهوم ومش لوحدك"