لوحت شمس العصير وشرعت باب الضيافه
للظلام اللي عليه امن الهضاب السود ليحه

كنها وجه الهنوف اللي جمع حزن و كسافه
كل ماصدت دعوها يامليحه يا مليحه

علموها ب الخطيب اللي قبل ليلة زفافه
انقطع منه الرجاء يوم انقطع رقم الشريحه

واتقت خلف الطويل اللي يحاظيها خلافه
احدبن مثل الجريده واملسً مثل الصفيحه

يوم اشرف في نباه و يوم اعدي في سنافه
اشتري طب النفوس الساليه و المستريحه

اتعرض للهوى واطش عن راسي الحافه
لا متى حالي صويب و لامتى كبدي جريحه

اتعبتنا رحلة الايام ودروب الحسافه
وين احصل مرشد الغاويين بياع النصيحه

ماشتكى بندر على فيحان من بعد المسافه
لين ولع في ضميره محرقة زند و قديحه

يارهيف القد انا ماعاد في قلبي رهافه
طاح من حر الفراق ولا تعافا من مطيحه

كن دمعي شخط هملولً على منثر طخافه
جرّح القاع المريف و سيّل الارض الفسيحه

صرت اعاني من تفاصيل الغياب وصرت اخافه
الغريب الله يرده والفقيد الله يبيحه

يحسبون اللي تعلق ب البداوه والجلافه؟
مايصالي لوعة الحرمان ويجاذب فحيحه !

انعزلت مع الطياح اللي تحت مضرب خفافه
ترضخ الروس الكبار و تركد الناس البجيحه

بوش بدوُ في شعاف القور مايركد شعافه
لا سرى ليل الوسوم ولا غدا للبرق ضيحه

اجهتدني والزمان الصلف يبغى له صلافه
ورققتني حنة المقهور واخلاج المنيحه

يوم شيل حوارها ف اللي مرفاعتن رفافه
اشهبن لا قالب المرحان صبحها صبيحه

كم لي ادور على هروج المجامل و اللطافه
ودي بشيً يشد الفكر وتهيض القريحه

لا قلطت اقلط واقول العذر من قل الكلافه
قدموا فرخ السنام وهاتوا السان الذبيحه

ولا يقند راسي المعمول وقهوة الكنافه
غير صفرا ً مالذعها عود رمث وعود شيحه

فوق مزبور الجحيم وفي طوارفها نحافه
يسكر الضرمان من بن الحبش لافاح ريحه

لا التطم بحر القصايد وارتهج وزنه و قافه
مانثني دون المديح اللي يشرفني مديحه

ياعجب حنا عجب عينك و عنوان الصحافه
القصيد اليا عصى نسهج حماه و نستبيحه

العيال اللي على يمناك عدوان الضعافه
ماتذرو في مقام الهون و الكف الشحيحه

كل مافاضت مخابيهم من بنوك الصرافه
حزّموا صدر الرفيق وهانوا النفس البجيحه

السباع الشهب لا جابت عشاها ب النصافه
والحصاني رزقها .. المترديه والا النطيحه

يشترون اللي مداهلها اللهابه و اللصافه
والعبال اللي علاوي نجد كفتها رجيحه

من مغن الزين والبدو القدام اهل النظافه
عندهم سب البل مصيبه و لطمتها فضيحه

كل بكرن من حلاها تلتهب رق و سهافه
ودك اتطش الشماغ وتلحق الهوباال صيحه

لازهت وسم العطاوي سعد من بالعين شافه
افلحت بيض الوجيه اللي من الطاله فليحه

لا تغاربها وابن حراص ياخذها حيافه
فوق سرد الخيل يوم الماس مايفصل رديحه

والمراجل ماتجي للي يبيها ب المرافه
كود شبلً لاوقف مثل الجبل ماحدً يزيحه

سم يامسلط ودام المحد قابل للاضافه
حط مجدن فوق مجد وذوّق الاش الكسيحه

وانسف البشت الحساوي وافتح قصور المضافه
انت قدً للفعول وللمواقيف الصحيحه

من تعزوى ف السليس و ف الطناخه والذرافه
ماحسب لـ صدوف بقعا لين يدفن في ضريحه

من عتيبه منبع الفرسان .. رواد الثقافه
فعلهم خلا الوجيه طوال والالسن فصيحه

Sample comments about this video

"شيله لي نتظر فيه ..صح لسانك يابو عزالله ان تغني في سرب لحالك وصح لسانك يابو محمد ..مبدع شيلات الروقي … عزالله ذلحين سرا ليل ❤❤❤"

"ثنائيه خالد البريك سلطان الحويقل: الافضل بالنسبه لي مصيبه مصيبه الحويقل شاعر متجدد"