آسف يا امبارح علي إني إستعجلت رحيلك
وماكنتش عارف قيمتك ولا شايف قدام
ليه فضلت يابكرة بتندهلي وخلتني أجيلك
ومزغلل عيني بمستقبل راسمه بأوهام

ضيعت حبايب شايلنّي ف عينيهم شيل
بدلت الأهلاً ب غبائي خليتها سلام
روحت علي السكة اللي تأخر وتهد الحيل
وأديني لوحدي وبتحسر علي دي الأيام

أسف ياسنيني..ضيعتك مني
بديت البايع..علي ناس شارينّي
ضيعت مكاني..مع إنه سايعني
تيجي سيرة إمبارح..قلبي بيوجعني

أسف يا إمبارح خلصتك ماشبعتش منك
وناديت علي بكرة اللي هايقضي علي كل أمان
قلبي بيتقطع عالماضي وبيسأل عنك
وبقول ولا يوم من أيامِك ياحياتي زمان

كان جنبي حبايب عايزنّي فرحان وبخير
ونسيتهم ورجعت ادور مالقيتش مكان
فضيت العالم حواليا وخسرت كتير
وبقت أنا تايه في الدنيا وماليش عنوان

أسف ياسنيني..ضيعتك مني
بديت البايع..علي ناس شارينّي
ضيعت مكاني..مع إنه سايعني
تيجي سيرة إمبارح..قلبي بيوجعني

Sample comments about this video

"جيل التسعينات فعلا جيل شاف قسوه الايام والزمن ضيع عمر جميل منه الحمدالله على كل حال"

"جيل التسعينات يبكي في زاوية بعيدة علي العمر اللي عدي ولسه ماعملناش حاجة 💔"

"في مرض اسمه سيب الاغنية شغالة و انزل على التعليقات على طووول😂😂 لايك"

"الاغنية دي خلتني اندم علي كل لحظة قضيتها مع ناس مكانتش تستاهل 💔"

"اسف يا سنين تحياتي لجيلي جيل التسعينات اجمل جيل ، ولازال لدينا الكثير لسى ❤️ الله يا اديب ابدعت لا جديد محبك من السعودية 🇸🇦 🇪🇬"

"نفسي الناس تفهم إن زي هالأغاني اللي مليانة حسرة وندم طاقة سلبية مضاعفة ممكن تخلي الشخص ينتكس"

"قولوله سماح الجزء 2 كل الحب للفن المصري ( عمالقة الفن ) لولا مصر لما كان وجود للفن"

"ازاي بجد اغنيه قدرت تغير المود ١٨٠ درجه بجد!!!لي كدا ي فنانن بس ولله م هقدر اتخطي الاغنيه دي بجد😭😭😭😭😭😭😭😭😭😭😭😭😭😭😭😭😭😭😭🤦‍♀️."

"ذنوبي كثيره هذي الرساله صدقه جاريه لي ولكم ❤ اللهم اغفر للمومنين والمؤمنات والمسلمين المسلمات الاحياء منهم والاموات لا اله الا الله وحده لا شريك له له الملك وله الحمد وهو على كل شيء قدير ♥️♥️♥️♥️"

"ايه ده يا عم ده اقسم بالله انا اول ما سمعت قصه دخلت الموسيقى قفلت اغنيه انت شكلك معاك فنان والله انا عارف هنتعب انت الوحيد الاول الاغاني بتاعته ما اعرفش اسمعها زي بقيه الاغاني الثانيه لازم اجيب الهاند فري واخش الاوضه❤❤"