ان جرح قلبك عتابي عد نفسك ماسمعته
مخطي وستين مخطي قلبٍ اسرف في عتابك
وان نزف دمع بمحبه جيت بيديني مسحته
كان قصدي بالسوالف ينفتح للود بابك

هذا نبضي هذا دمعي هذا صمتي ما لمحته
كلي وكلن لو انك خابره طبعه يهابك
والسهر إسال نجومه يوم من بعدك سهرته
ايه احبك لا تطمن لا تطاوع ارتيابك

لك غلا صادق بصدري اعذره ادري فهمته
قبل واقع هالمشاعر هايم و عشقه سرابك
دايم أطبطب شعورك كل ما دمعك ذرفته
وما حكيت إلا محبه والوله عني حكابك

ماكرهت بعمري إلا ضيقك احلف لك كرهته
وماكرهت الا شعوري يوم فكر في عتابك
الندم كله لعينك يا هنا بالي ندمته
مخطي وستين مخطي العتب يومه قسابك

Sample comments about this video

"مو جديد عليك الابداع الاغنية فوق الشكر بكثير بالف البوم برافو اميمة 🇩🇿🇩🇿🇩🇿🇩🇿🇩🇿🇩🇿"

"صوت اميمة نعمة تستحق الشكر 🙏 متعة للاذن و الذوق تعدل المزاج ✅️🎩"

"التوزيع واللحن خطييره جدا جدا خطيرهه و مميزه ، وصوت اميمه طبعا غييرر ، الله الله حبيييييييييييت هشام السكران خطييير 🔥 🔥 اغنيتي حبييييت👏🏻👏🏻👏🏻👏🏻👏🏻🫆🫆🫆🫆🫆🫆🤍🤍🤍🤍"

"عندما تغني بهذه الطبقة و كأنها تترنم و تلقي سحرا على السامعين ✨️🪄🪬🧿"

"كل اغنية تقول الزود عندي اشكر الشاعر 🤍🤍 واشكر وتر 🤍🤍"

"اغنية الموسم بلا شك 🫆🫆🤍🤍🤍🤍 اغنية الترند بلا شك 🫆🫆🫆🤍🤍🤍 فارقه يا اميمه فارقه 🫆🫆🫆🤍🤍🤍"

"نفس لحن اغنية شامت عشانه .. كيف كذا معقول هذا لحن عزوف موب وتر؟"

"اي هذا التوزيع والحن الي غير مب المبتذل شكرا هشام السكران ووتر اي والله شكرا بعد خذلان البوم امير الطرب"

"اللحن والتوزيع رهيب بشكل مو طبيعي ، وأخيرا شيء نظيف بالساحة"