هيبة الشرق __ من دونها الحكم السعودي
واضح الفرق __ لن جات قدحات الزنودي
نحرقه حرق __ عدونا ماله وجودي
لوّح البرق __ في كل دار وكل ديره

السعودية عظيمة .. وافتخر دامي سعودي
افتخر دامي سعودي .. والسعودية عظيمة

هامة طويق __ هذا السعودي في محله
المطاليق __ اهل الفعول المستقله
مجد ويليق—- على النقاء والعز كله
والمواثيق . وقفاتنا دايم شهيره

رفرفي بالعز والتاريخ ياراية بلادي
يابلادي يابلادي شامخه بين النجوم

الوطن فوق — والعز والهيبه حليفه
نكره البوق — وقلوبنا دايم نظيفه
مابه فروق — هداتنا دايم شريفه
نكحل الموق — لاعجزت اليمنى القصيره

السعودية عظيمة .. وافتخر دامي سعودي
افتخر دامي سعودي .. والسعودية عظيمة

ياملكنا — منا الولاء سمعٍ وطاعه
مع وطنا — خصيمنا نلوي ذراعه
لابطشنا — نبطش بتخطيط وشجاعه
ماسكتنا — عدونا ماطار طيره

الوطن حنا جنوده كلنا دونه نفادي
كلنا شعب وقياده فالدفاع وفالهجوم

يامحمد — فخر العروبه والعداله
وانتحمد — هاذا الوطن حنا عياله
ويتجدد — دم الولاء في كل حاله
ومن يهدد — على النقاء حسنا مريره؟

السعودية عظيمة .. وافتخر دامي سعودي
افتخر دامي سعودي .. والسعودية عظيمة

نفتخر فيك — انت الفخر شعبك يمينك
من مباديك — تشوف شعبك نون عينك
من يعاديك — حنا عدوه في يدينك
حي طاريك — سيف الوطن حنا جفيره

اسس الرويه ومشاها على نهج ومبادي
زف للشعب البشاير كل ليل وكل يوم

Sample comments about this video

"أدام الله عزّ الوطن وأفراحه وأمنه في ظل قيادتنا الرشيدة 🇸🇦✨"

"ابو ماهو مبدع والشاعر سلطان بن شلاح ابدع ف الكلمات والله يحفظ بلادي السعودية من كل شر والله يديم الامن والأمان على السعودية والمسلمين"

"أبو ماهر ما هو مجرد منشد، أبو ماهر صوت له هيبة وحضور 🇸🇦❤️ إذا صدح بالوطنية، وصلت الكلمة للقلب قبل الأذن. أداء متمكن وصوت أصيل يعرف كيف يعطي القصيدة حقها ويزيدها جمالًا. صح صوتك يا حمود الشاطري، وبيض الله وجهك يا أبو ماهر، مبدع كعادتك 🇸🇦"

"الله يديم أفراحكم يا الشعب السعودي 🇸🇦 الشقيق و ينصر حكامكم ال سعود 🇸🇦♥️🇲🇦"

"الله الله ي ابو ماهر اللهم احفظ السعودية ❣️❣️ حي صوتك ابدعت 👍🏻"