حوال الناس
الناس الكادحة و لـَ كلاس
لَباس ولا باس سبحان لي زاد و نقاص
فالكاس
كان من الذهب مصنوع ولا نحاس
فيه المرار يبقى مرار ما يبدل طعموا ماس
جنايز و اعراس
كل محروق بحريقو حاس
ما بقى حد بحريق حد يتقاس
ناس فقلبم الهمّ دحاس
سيوف و مواس
غارسها فيهم الزمان لي جاهم فاص يعفاص
أي حلم و أي لساس يمحي أي ضربة فأس
يتسما والو الزهر ولا عكاس
كاين لي صبر و خيط بصبرو لباس
و عاش حتى لقبر دايماً مرفوع الرأس
و كاين لي عاش حباس بين حيوط الوسواس
عارف الزمان قناص و على الدقة عسّاس
و مايكون غير المكتاب حتى لآخر الأنفاس
و هذ الشي باين ...شوف حوال الناس

كنت حـاج ولا محـتـاج ولـو فـراسك تـاج
راك فـالدنيا عايم والأيام مـواج
لا تـظن راك عــوّام ولا عتولّي تعـوم مـع الـدوام
مـواج هذا الـعـام مـاشي فـحال بـاقي الأعوام

كنت حـاج ولا محـتـاج ولـو فـراسك تـاج
راك فـالدنيا عايم والأيام مـواج
لا تـظن راك عــوّام ولا عتولّي تعـوم مـع الـدوام
مـواج هذا الـعـام مـاشي فـحال بـاقي الأعوام

شوف واحد مات و جاروا عندوا سابع
و لّي درويش و مراضيش و لّي درويش و قانع
كاين لّي مربّي الرّيش و حامد و كاين لّي مربّي الرّيش و طامع
كاين لّي خطى فالسّاهل و كاين لّي نجح فالمانع
و لّي رسم لراسو طريقو و باقي فيها دالع
و كاين لّي طريقوا هبوط و باغي يمشي طالع
واحد راحتوا فكازينو واحد راحتوا فجامع
واحد مجرّي على ولادو واحد للأيتام جامع
ناس تهاجم ... ناس دافع
و لّي يدافع فيدوا حجرة ... و لّي يهاجم عندوا مدافع
واحد متهوم واحد يترافع
واحد جار واحد دافع
واحد ضار واحد نافع
عشيري قطع لبحر ... و عشيري يموت قاطع
عشير مدفون فالقبر ... و عشيري يدعيلوا راكع
شـوف حـوال الـنّاس فـالمـجـتـمـع و شـحـال جـامـع
فـيـه أنـا لّـي كـاتب و فـيه أنـت لّـي سـامع

Sample comments about this video

"ناس تهاجم ... ناس دافع 🇵🇸 و لّي يدافع فيدوا حجرة 🇵🇸 ... و لّي يهاجم عندوا مدافع"

"صلوا على الحبيب المصطفى صلى الله عليه وسلم ❤ لانها من مفاتيح الرزق"

"ملخص احوال الناس في قياس مقطعين ✨ افضل ما انجب الراب المغربي 🇲🇦✅"

"أولد سكول لو كان ترجعو كيما قبل رانا كبرنا معاكم مسلم و لطفي دوبل كانون و الجنرال و بلطي هذم الراب الصحيح و المدرسة القديمة في الراب ❤️"

"مسلم فنان صف اول القمة تليق به كلمات نارية مبدع كما عودتنا"

"A9wad Rawapa fl mghrib Muslim❤ Gnawi🖤 Lferda🤎 Moro🩶 Tflow💚 Pause flow💙"

"جيتكم من زمان الكاسيت 😎 . رسالتي للجيل الجديد راكم كات عيشو اخر ايامكم مع الراب المغربي الأصيل 🇲🇦أسمع و استمتع قبل ما تموت روح الموسيقى بالذكاء الاصطناعي."

"والله أخاي مسلم إلى انا متتبع ديالك وكنسمع راب ديالك من 2006"

"ولا كلمة طايحة، طراك شابع كلاشات و نقي. ماكاين لي ميخي لا خوروطو كاين غامسلم"

"وكما لعادا نسخة لأولى لا تقارن وحتى لواداع اصاحبي نسخة لأولى وعرا بمليون سنة ضوئية و مسلم ولة تيقارنوه بطوطو هه معرفينش مسلم 2005.2015"