رف الكلب وبه رفيف الرآيه
وكل الخدم ماعدهه غير حجايه
ارض النجف تستقبل المشايه
——————————————————

اهلا يالكاصد الديرت حيدر وجاي
اهلا بيك منين ما متعني مشاي
اهلا يمكحل العيون ابجيتك هاي

زاير صوت النجف هذا يصيح حياك
زاير وعد اهل الكرم ما تلكه بس هاك
زاير بس عليك صاحو علي وياك

كلمن سعى ابهذا المشي واتعنه
باب النجف يلكاهه باب الجنه
ولآيه علي للزاير احلى ولآيه
ارض النجف تستقبل المشايه
—————————————————-
حلوه النجف بالخدمه حلوه ومضرب امثال
حلوه اجفوف الكرم عدهم جنهه شلال
حلوه ومن اربع اطراف الهله تنكال

خادم ياهو اللي تشوفه ابوجهه عنوان
خادم ماكو فلان ذاكه وهذا ابو فلان
خادم متساوين نفس الرفعه والشان

آيه وفه وفوك السمه خطوهه
ابدرب العشك واهل العشك يقروهه
ان الذين آمنو وفايه
ارض النجف تستقبل المشايه
——————————————————
ادخل الحضرت من تزوره الناس ترتاح
ادخل ضريح الصار للحاجات مفتاح
ادخل وخلي اثياب حزنك يم علي اوشاح

أقره يم شباجه بس ابكلب مشدود
أقره قصيده ابطور عبد الرضا الرادود
أقره وخل تنزل ادموعك فوك الخدود

كلمن تعنه الحيدره ومحتاجه
يرجع ملك وبراسه لآبس تاجه
ويترس اجفوف المعتنيله وجايه
aهل النجف تستقبل المشايه
—————————————————-

جنه مثل ما كربلاء حسين للناس
جنه كاع النجف هيج وياهه تنقاس
جنه ووجوب اترابها بكل وكت ينباس

بيهه حبل الله المتين وسر الاسرار
بيهه تلكه ابكل وكت تاريخ ينزار
بيهه يكفي من الفخر حيدر الكرار

حكها النجف تتفاخر بسيدهه
البيهه علي ما ينشبع من عدهه
وصارت درب لله ووسيله وغايه
ارض النجف تستقبل المشايه
——————————————————-

سعيك سعيك يالتريد الخدمه مشكور
سعيك هذا ابدفتر الخدام مذكور
سعيك باجر عد ابو الزهراء منظور

واسمك باجر يم علي شمحلاهه مكتوب
اسمك من ضمن المشو مشايه محسوب
اسمك باجر ينقره بعين اغلى محبوب

ابعين ابو القاسم دمعتك محسوبه
وكال خطوه تخطيها اله مكتوبه
وتاخذ اجر اعظم اجر من هايه
ارض النجف تستقبل المشايه
——————————————————-

Sample comments about this video

"قال لإمام علي (ع) سبعة لاتكن قاسيآ معهم ابدآ الأب وآلام والمرأة والطفل والخادم واليتيم ومن اتاك معتذرآ صدقت ياأبالحسن"

""فقدت الزهراء والدها" وفقد عليٌّ ابن عمه .! وفقد الحسن والحسين جدّهما فقد المحبون نبيّهم عظّم اللّٰه لنا ولكم الأجر ..."

"عظم الله لنا ولكم الاجر بهذه المصاب الجلل ب ذكرى استشهاد النبي الاكرم محمد عليه افضل الصلاة والسلام ❤"

"نجف تستقبل المشايه نداء من شمال غرب بريطانيا 😭 عظم الله لنا ولكم الاجر يا مولاي ويا سيدي صاحب الزمان 😢ربي يحفظك ملا مدين 👇🏻ربي يوفقك خدام ابا عبدالله الحسين 😢"

"اعظم الله لك الاجر سيدي يا صاحب الزمان بمصاب خاتم الأنبياء والمرسلين حبيبنا محمد ابا الزهراء عليه افضل الصلاة والسلام وعلى اله الطيبين الطاهرين"

"اللهم صلي على محمد وعلى ال محمد وعجل فرج صاحب العصر والزمان أرواحنا لتراب مقدمه الفداء وجعلنا من جنده المخلصين"

"‏إنَّ لحُزْنِ الحُسين "؏" دموعٌ لا تبرد ابداً❤عاش صوتك الحنين الحسين يحفظك الملا"

"الحمد لله الذي رزقني حب اهل البيت ❤❤ ماجور مولاتي ❤❤"

"عضم الله لنا ولكم الاجر بمصاب سيد الكونين محمد صلى الله عليه وآله وسلم بارك الله فيك انت والشاعر احسنت مأجورين"

"السلام عليك سيدي ومولاي ياامير المؤمنين يااسد الله الغالب علي ابن ابي طالب اغثنا مولاي"