هله بيكم هله بيكم السامره هله بيكم
يحيكم يحيكم ابو صالح يحيكم
———————————————————
من اولهه لآخر نقطه راح ابدي
كل الطرق لأرض العسكري تودي
شي نصبت مواكب لليزورونه
شي تبجي الحسن وتعزي بالمهدي

الشايل رايه الوزع مايه
كلهه ترحب بالزوار

بين اليركض بين اليعرض
وذاكه الملگه الملگه الحار

ابهاي الخدمه وهاي النعمه
يا هنياله المنهم صار

يتانيكم يتانيكم على الموعد يتانيكم
يحيكم يحيكم ابو صالح يحيكم
——————————————————
رآيات الهله ابسامره مرفوعه
وياهو اللي تنشده الخدمه موضوعه
ومو بس طوعه وحده التخدم الزوار
ترحب باليجي السامره الف طوعه

السجل اسمه ابهاي الخدمه
موقف هذا ايگر العين

والزواره الفاتح داره
باچر يربح بالدارين

والسد بابه ابوجه احبابه
الموقف باچر دين ابدين

طلع ليكم طلع ليكم تره المهدي طلع ليكم
يحيكم يحيكم ابو صالح يحيكم
——————————————————-
بالفطره السليمه وصافيه النيه
مَثَل خدمتنه صارت والعزوبيه
وزحف مليوني من كل شبر بالعالم
اختصرت هالزياره الكره الارضيه

الرايد يكبر والما يخسر
هاي الخدمه وبيهه هواي

aول بأول كلشي امسجل
حتى الوزع طاست ماي

الما شد گلبه وعاش ابدربه
ابغير المهدي ايضيع الراي

اساميكم اساميكم يسجلهه اساميكم
يحيكم يحيكم ابو صالح يحيكم
——————————————————
چم شايب السامره مشه ومسرِع
وشفته ابلا وقار ابدربه ومفرع
گواك الله گتله اعله التعب بويه
كون المثلك اعله اهل العشگ مرجع

حتى الشايب شفناه كاتب
انه المغرم بالمعشوگ

نيته ابلونه اليقره عيونه
بس العاشگ والمحروگ

والما شافه ابهاي اوصافه
ما محسوب من اهل الشوگ

معانيكم معانيكم احفظوهه معانيكم
يحيكم يحيكم ابو صالح يحيكم
——————————————————-
چم خادم ابخادم شاد احزامه
وچم شاعر كتب ما جفت اقلامه
وجم رادود شفته واگف ومتعوب
وويه المهدي يستقبل ابخدامه

الرايد اجره ورايد نظره
ويحسب روحه اعله الخدام

كون اتشوفه امحني اچفوفه
ابطين الخدمه وشد احزام

كون ابروحه اتعيش اجروحه
ويه المهدي ابهذا العام

يوصيكم يوصيكم على الخدمه يوصيكم
يحيكم يحيكم ابو صالح يحيكم

Sample comments about this video

"برفقة القصائد التي لا شيء سِواها يُخفف مِن الإشتياق لِأهلِ البيت عليهم السلام."

"افلح من صلى على محمد وآله محمد بارك الله بيك ملا وعاش صوتك الجميل وبارك الله لشاعر القصيده بحق محمد وآله محمد"

"أخواني الأعزاء كثروا من صلاة على محمد وآل محمد الطيبين الطاهرين ❤❤"

"الف الحمد لله جعلنا في هذا المجلس وبكينا ولطمنا على أهل البيت عليهم السلام"

"من تذكر "أبو فاضل" وتجر النعي بوجع تحس الضلع يلچم والدمع ينكب سچاي مو صوت هذا.. هذا ونين أيتام بالليل شايل حزن زينب وركضة الضحايا الحفاي"

"اللهُمَّ عجّل لوليكَ الفرّج. 🦋🤍 عفيـة اندعولـي وياڪُم طالبة سادس. 🤍"

"ربي ايحفضك ويوفقك يارب اومايحرمني من صوتك العذب الصوت الجميل الحسيني 🎉🎉🎉❤❤❤❤❤"

"طيب الله انفاسك ملا ربي يوفقك لخدمة أهل البيت عليهم السلام"

"اللهم صل على محمد وعلى اله محمد وعجل فرجهم والعن عدوهم ❤"

"طيب الله انفاسك ملا عاش السانك الله يحفضك ويسلمك وبعد عنك كل مكروه بجاه نحمد وأل محمد 🌺🌹🔥♥"