آسف يا امبارح علي إني إستعجلت رحيلك
وماكنتش عارف قيمتك ولا شايف قدام
ليه فضلت يابكرة بتندهلي وخلتني أجيلك
ومزغلل عيني بمستقبل راسمه بأوهام

ضيعت حبايب شايلنّي ف عينيهم شيل
بدلت الأهلاً ب غبائي خليتها سلام
روحت علي السكة اللي تأخر وتهد الحيل
وأديني لوحدي وبتحسر علي دي الأيام

أسف ياسنيني..ضيعتك مني
بديت البايع..علي ناس شارينّي
ضيعت مكاني..مع إنه سايعني
تيجي سيرة إمبارح..قلبي بيوجعني

أسف يا إمبارح خلصتك ماشبعتش منك
وناديت علي بكرة اللي هايقضي علي كل أمان
قلبي بيتقطع عالماضي وبيسأل عنك
وبقول ولا يوم من أيامِك ياحياتي زمان
كان جنبي حبايب عايزنّي فرحان وبخير
ونسيتهم ورجعت ادور مالقيتش مكان
فضيت العالم حواليا وخسرت كتير
وبقت أنا تايه في الدنيا وماليش عنوان

أسف ياسنيني..ضيعتك مني
بديت البايع..علي ناس شارينّي
ضيعت مكاني..مع إنه سايعني
تيجي سيرة إمبارح..قلبي بيوجعني

Sample comments about this video

"تامر عاشور هو فنان مصري مفضل لدي. أحب الاستماع إلى أغانيه رغم أنني لا أفهم العربية. فالمشاعر لا تحتاج إلى لغة. مع حبي، مارتا من الأرجنتين ❣️🇦🇷❣️🇪🇬❣️"

"لأنه يغني باحساس فصار ما فيه فرق بين اللايڤ والتسجيل 🔥"

"حبيب قلبي ي تموره انا عازمك علي فرحي كمان 7 سنين تيجي تغني في ادينى بقولك قبليها علشان تعمل حسابك 😂"

"محمدي أبدع في اللحن وكلمات أحمد المالكي رائعة والأروع أكيد الاداء المميز منك يا تامر 🎵🤍👏🏻"

"اعتقد دويتو ما بين شيرين وتامر عاشور يخلونا نسمعه الف مرة في اليوم"

"جامد ياتامر طول عمرك ♥ بس مش حاسس انك ناسي حاجه (القميص تحت البدلة 😂😂)"

"حبيبتي يلي مسكت دبلتها لما قالت بديت البايع على ناس شاريني"

"ايوة كده يعم ابدا خلي شغلك كله الجديد يبقلا ليك الحق تاخد فيديوهات الحفلة كده ودلعنا"

"❤❤ ربنا يوفقك يارب ويقوينا علي وجعنا الي بتحكي عنه في اغانيك 😢 ديما انت افضل حد يجي مع اي مود ❤❤"

"لماذا لم يسبق لنا مشاهدة عبدالحليم حافظ أو محمد رشدي أو محمد فوزي أو محرم فؤاد وأمثالهم من الجيل الذهبي يغنون وقمصانهم مفتوحة وصدورهم متعرية بشعرها وحتى بحلمات نهديها"