اموادعنا اختلف هاي المسية
حيدر والزچيه
يا محلاها لو متنا سويه
…………….
1/
طب حجرة البضعه علي واليها..
ناده اهنا يزهره

گعد عدها يضمدها اويباريها…
وبدلاله كسره

توصي هيه مو هوه اليوصيها..
مجروحه إوتصبره

يابهجة سنيني
اوصيك إبنيني
والله ايعين گلبك عالرزيه

…………………
2/
شلون إيسكن ألمها ممتحن واحتار
وبيمن يفتديها

إتركي يالمنيه بضعة المختار..
وبروحي اشتريها

اعيون الزهره ذبلت ذبلت الازهار
سايل دم عليها

مهموم ابحسرته
وتحير محنته

تمشي وياچ ايامي الهنيه

………………… .
3/
من گامت تنازع صاح ربي ادخيل
هد عبره اعله عبره

حملها امن الوساده والدموع اتسيل
ضماها اعله صدره

صاح ابداعت العشره ورگبته اتميل
بس نظريلي نظره

يلي ابگلبي عشتي
رويحت حيدر انتي

لو رحتي منو اليبقه اليه

………………… .
4/
حس گلب الصميده ابلوعة ام حسين
وگامت تجري عينه..

وناده اخلاف وجهج وين اروحن وين
اسنين اتگابلينه..

لتعوفيني گاللها يشوف العين
وغابت بين إدينه

توجر جمر گلبه
ومايندله دربه

ذاك اليندل اضنون البريه

…………… .
5/
شاغت من كسرها والعصر والنار
روحه اوياها شاغت

اجو ليه ابدمع يابويه شنهي الصار
بعينه الدنيه ضاگت

ابعالي الصوت يبچي وصرخ لمن دار
امكم بويه ماتت

نصبوها المناحه
نوح ابلايه راحه

لو رحتي نروح اليانويه

Sample comments about this video

"ادعيلي وياك مله مدين طالبة سادس حيل تعبانه ادعيلي لعلك اقرب منا إلى الله 😓💔"

"{قصيدة موادعنا اختلف} {الرادود مدين العياشي } {الشاعر علي عويز الشويلي } {اليوم الثلاثاء /شهر /2026/10/27}"

"احله تراث للقصایده الجدیده های القصیده بهذا اللحن والمقامات❤❤❤ اللهم عجل لولیك الفرج"

"على طور يا محلى الوداع بهل المسيه موفق ان شاء الله😇🙏👼"

"ربي يحفظك خادم الحسين ملا مدين🤍 معلم راتبك يا خادم الزهراء"

"الحمدلله الذي رزقنا حضور مجلس مولاتي فاطمه الزهراء عليه السلام بغداد جسر ديالى"

"طيب الله انفاسك ملا مدين ويطول بعمرك لخدمه الزهراء وخدمه الحسين. عليه السلام .."

"اللهم صل على محمد وال محمد كما صليت على إبراهيم وعلى آل إبراهيم إنك حميد مجيد ياالله ادعولي طالبة سادس شبعانه ضيم وقهر ومحتاجه دعاء ربي يوفقكم ادعيلنه وياك مله مدين لعلك اقرب منا إلى الله ❤😓💔"

"عليك الزهراء نشوف هاي القصيدة بشهر محرم وشاعرها السيد عبد الخالق المحنه لان حيل حلوه بصوتك"

"السلام على الزهراء المظلومة ما شاء الله كبير جدا مله مدين اداء ولا اروع وكلمات عظيمة جدا"