من بحر جده للكويت الحبيبه
مركاضكم يوم القبايل معيّين
في كلّ دار يصير للاسم هيبه
وتلهج باساميكم صدور الدواوين
على العدا واللي نواكم .. مصيبه
وعلى الرفيق .. ألطف من الجفن للعين
أكّد عليها .. شاعرٍ من عتيبه
عنده على قوله شهود وبراهين
ياعلّ ذودٍ ما يجيني حليبه
تقفي على تاليه خيل الدياحين
هلا مرحبا ترحيبة الغالي بغاليه
في حفل الكريم اللي كستنا معاريفه
صميدع وطيب راس وش ماكتبنا فيه
على صفحة الامجاد وسمه وتشريفه
لو الذكر في يامرحبا والله يحييه
لقينا الكرم في طاري مطير تعريفه
هل المعجزات ومجدٍ يشوش به قاريه
طبيعي يجي بالمدح ومطير توليفه
سلامي عليكم يالدياحين يوم ابديه
تقل من معزة حاكم الدار تكليفه
كثر فعلكم فالمجد طلّع لنا راويه
ولاهمكم ميل الزمان وعواصيفه
عسى الله يوفق صاحبي والله يهنيه
يطول العمر وسنينه تمر ومريفه
ياشريان لا ترسل لشريان وتوصيه
أنا دونك بوجه الزمان وصواديفه
معربك ابوك اللي على الطايلات يديه
ولا خفت درب المجد ودروبه مخيفه
تنومس بك اللي عشت متنومس بطاريه
رقى النايفه عبدالعزيز بمواقيفه
معك راسٍ مْن المرجلة ماحدٍ يجاريه
كأن المكارم مجلسه والوفاء ضيفه
محد قايل لياقلت فيك النوادر ليه
aذا قدرك بصدر المراجل مشاريفه
خويي لاصارت سبعة أنعام ماتكفيه
ماني حاسّب حساب السفر مع تكاليفه
رموه الخبول ولاوصل رميهم رجليه
يبونه يلين ولامشى الا على كيفه
من الطيب يوم يسوي الطيب مايحكيه
فداه الذي ماطاب غير بسواليفه
لو آعيش عمري كل يوم آتجمّل فيه
أبافنى وباقي في رقبتي معاريفه

Sample comments about this video

"الله يجزاك خير الجزاء ويوفقك انت ومن طلبوا الشيله بدون موسيقى ويبارك فيكم ويوفقكم ويسدد خطاكم ويكثر من امثالكم ويتقبل صالح اعمالكم ياولدي🎉❤"