رتبه على اجتاف الزلم شيلوها الجنازه
بوداعك انطيح عكل مو دمع تتجازه
ينزف مواقف مـا گطع للـيـوم تابوتك
مـيـت بوكتـك من رحت بس عازتك عازه
ويلاه ياعلي ويلاه
تعنه الكربله بالموت هاي اول زياره
يلله امشونه نتلگاه
حلوه اليندفن ياناس من بعد انتصاره
چنه نشيع ذو الفقار
وتابوته گرابه
ميت عايش رفعة راس
وعدوانه تهابه
صاحب موقف صاحب دين
ومرجع للقاده
بشهر حسين يزور حسين
بعاشور الساده
بين حسين والعباس
احتراماً واكف التابوت چن ياخذ تحيه
سلاماً يابو عبد الله
راجعلك نعش مشيول سويت العليه
يالمتخاف وماتنعاف
وربعك عياله
دم عباس براسك حار
من يتدناله
ياصليت اعله الشجعان
المهدي يصليلك
بتابوتك غيرة عباس
ياچف يشيلك