هذا المسير للمهدي
درب الحسين للمهدي

1/
إبدي التوبه بعماقك
وارجع رتب أوراقك
وعين المهدي بخلاقك
ترى ايراقب

يفهم خطوه أقدامك
ويشوفك من ورى إلثامك
ولحظه إبلحظه بيامك
ترى ايراقب

كون إلي طلع مشاي من داره
إيتوقع يظهر المهدي بالزياره
ضلت كلمن ونيته وأفكاره
يرفضه المهدي لو وي جيشه يختاره

2/
رجل حرگوهن إخيامه
حزن خلصهن أيامه
إسلوبك رتبه گدامه
ترى ايراقب

إحذر والنظر غضه
ولسانك لازم اتحفظه
وحلل أي حچي إتلفظه
ترى ايراقب

إلبغير الحسين وزينب إتكلم
تره ايخلي الامام الحجه يتألم
إكبال المنفجع إياك تتبسم
وتطلب دنيه من إنسان يطلب دم

3/
بآداب المشي إتأدب
لإنك واجهت مذهب
والصح والخطأ يحسب
ترى إيراقب

ضل مثل الشمس واضح
شاب إمعدل اوصالح
ونفع بيك إل ابو صالح
ترى ايراقب

اشطب ذاك عمرك من جديد إبدي
تره هذا المشي الدرب العدل يهدي
إخواني خواتي ربعي ياولدي
نتعاهد بعد مانجرح المهدي

4/
وقر خليك ومهندم
جندي النصرته إمحزم
فقط بحسين تتكلم
ترى ايراقب

تطمح بالمشي إتشوفه
ويضيفك سيف لسيوفه
حديث التفرقه إتعوفه
ترى ايراقب

إجلس مجلس العاطفه والطيبه
واهجر مجلس البهتان والغيبه
إلكلام الجيد ايخففله إلمصيبه
وكلام السيئ إبنبله تره ايصيبه

5/
إمن الذر عرف تصويرك
ويقراهن تعابيرك
ويسمع حته تفكيرك
ترى ايراقب

إلذنوب إقتلهه وإدفنها
وصلاة إلواجبه إتقنها
تقديرك يجي منها
ترى ايراقب

فكر بالامام وأي بشر عوفه
وإلزم مسبحه وضل سبح إحروفه
مايدنه ليك وأبد متشوفه
إذا مايلگه گلبك مسجد الكوفه

Sample comments about this video

"لو كنا جميعا نفكر بوجود وحضور الإمام المهدي عليه السلام، ولو جميعنا نفكر بإنه يراقب افعالنا ، لما كثر الفساد والفاسدين في الأرض ، البركة في اعمار الموالين والمحبين ، وربي يهدينا والجميع على طريقه عج ، اللهم بارك لإمام زماننا واحفظه 🤲🏻"

"😢😢 نداء من بريطانيا لبيك يا صاحب الزمان عظم الله لنا ولكم الاجر 😢 مولاي مدين ربي يحفظك ويوفقك يارب العالمين 😢"

"بجاهك يامدين العياشي ادعي لبوي يطيب مريض ونته خادم عد الحسين مايفشلك واني جربتك مره هم كتلك ادعيلي انجح من الثالث متوسط من دور الاول ونجح هسه اريدك تدعي اللوالد ❤❤❤"

"قررت أتغير بسبب هاي القصيدة ❤ ادعولي بالثبات اللهم بارك لأمام زماننا 2026/7/19 يوم الأحد الساعة 2:05 م"

"دروس ورساله ونصائح على هيئة قصيدة بارك الله بيكم نحتاج هيج كلام للزوار 🙏❤️"

"هاي القصيدة لازم تشتغل ٢٤ ساعة بكل المواكب الحسينية على طول طريق كربلاء"

"يا صاحب الزمان نجح ابني سادس علمي يطلع معدل عالي ويصير ضابط"

"أحسنتم ألعزااء ملا مدين العياشي بوركتم .بهذه القصيده وهي عباره.عن رساله واضحه وصادقه لموالين أل ألنبي ألاطهار عليهم أفضل الصلاة والسلام وفقك الله"

"اللهم اجعلنا من الذي تشملنا لطفه بوليه آلاما المهدي المنتظر عليه السلام"

"يا مولانا يا صاحب الزمان عج اعذر جهلنا وتقصيرنا واسرافنا على انفسنا ، لبيك يا مهدي 🤚🏻 اللهم عجل لوليك الفرج والنصر 🤲🏻 صلى الله عليك يا ابا عبدالله الحسين 🤚🏻"