يالأجيتوني ابمسير الاربعين
ادخلوها بسلامٍ آمنين

هله ابزوار ابو السجاد
هله يا قلعه المرمر
من تمشون بالشارع
اشمن ريحت العنبر
محروسين بالكرار
والعباس المشكر
انه كربله وبيكم
حكي اتنومس وافخر

كربلاء وصوتي ناده الزائرين
ادخلوها بسلامٍ آمنين

هله يالبيكم اتنومس
واتباهه اعله الولآيات
هله يامن رفعتو الراس
من ارتفعن الرآيات
يامن رووسكم بحسين
فوك الغيم مرفوعات
تتلكون ضعن ام عون
جاين ابحزن واهات

هاي كاعي اتشرفت بيكم يقين
ادخلوها بسلامٍ آمنين

انه ادري البشر ميال
كلمن طبعه واسلوبه
بس بكربلاء حسين
هاي الفكره مكلوبه
رآي وكلب واحد صار
ومحد يختلف ثوبه
وياهو اللي تنشده تشوف
بس حسين محبوبه

وكربلاء صارت ملآذ العاشقين
ادخلوها بسلامٍ آمنين

هله بالكاصدين حسين
من كل ديره وولايه
هله بيكم هله ومرحب
ابكثر ما رفت الرايه
هله كلمن حده ابطوره
واتعنالي مشايه
كحل للعين شوفتكم
واتشرف تره ابهايه

يالمواكبكم تسر الناظرين
ادخلوها بسلامٍ آمنين

رابط للعشك والشوك
بين الزاير وبيني
يتنفس هوى من حسين
وانه اتنفس حسيني
عطشانه وشفتكم ماي
والخطوات ترويني
ومو بالكاع منصوبه
مواكبكم ابنص عيني

كاعي سر حسين والحبل المتين
ادخلوها بسلامٍ آمنين

Sample comments about this video

"اي شخص مكدر يروح الزيارة خلي يقلدنا بالزيارة وراح اهدي خطوات لجميع ماكدرو يرحون الزيارة بالنيابة عنكم جميعاً وتحقق الي ابالكم وتسهيل أموركم ان شاء الله 🤲🤍"

"السلام عليك يا ابا عبدلله الحسين وعلى الارواح التي حلت بفنائك عدد ما قالها الامام االمهدي المنتظر عجل الله فرجه"

"من اليمن 🇾🇪 اخواني العراق في قلوبنا لحن وادأ غاية في الجمال عشقنا محمد وآل محمد الطيبين الطاهرين ولن ننسى مظلومية عشق قلوبنا ابن الكرار الحسين صلاة الله عليه وآله ولن ننسى شهدائنا في الحشد الشعبي احبابنا محبين اهل النبي وال بيته الطيبين الطاهرين لن نترك دمائهم أبداً ما دمنا نتنفس والشراين تنبض من اليمن"

"لا تنسون شهداء الحشد الشعبي " الله يرحمهم برحمته الواسعة واسكنهم فسيح جناته " لعن الله قاتليكم وظالميكم بحق محمد وآل محمد 🙏"

"😭نداء من بريطانيا السلام عليك يا أبا عبدالله الحسين 😢ع عظم الله لنا ولكم الاجر 👇🏻 👇🏻ربي يحفظك ويوفقك ملا مدين 😢"

"اااااه ولله بس اسمع صوته اترد روحي اسئل الله ان يحفضك بحق زوار الحسين ويخليك خيمه الهلك يا قرت عيوننا❤❤"

"بروح الشهيد الحسين بروح الكفيل العباس بروح سيده زينب كل واحد يشوف هذا التعليق خليه يعلق له يودي له لايكات ❤❤❤❤"

"ليست كل الأصوات تُلامس القلب، لكن صوتك يا ملا مدين خُلق ليُوقظ الأرواح باسم الحسين. في نبراتك صدقٌ لا يُصطنع، وخشوعٌ يسبق الكلمات، حتى يشعر المستمع أن كربلاء تتحدث من خلالك. ما تقدمه ليس أداءً فحسب، بل رسالة ولاءٍ تنفذ إلى أعماق القلوب، وتُحيي في النفوس عشق الحسين عليه السلام. حفظك الله، وأدام هذا الصوت الذي كلما صدح، انحنت له الدموع إجلالًا."

"الحسين يحفظك ويوفقك الملا على الصوت الحنين والحزين 💔 بارك الله بيك 🥺"

"امانه ادعونه عدنه دور ثاني. 😢. امانه ادعونه. بلكت بيكم شخص قريب من الله ادعونه😢"