شوفتك فين شكلك قريبي يا ولا
العيون دي حلمت بيها سنين
قلبي مال معرفش ماله يا ولا
فيك جمال يسرق كحل العين

كان فيه ناس .. في قلبي دول اساس
بس انت جيت خلاص
مشيت كلامك يا ولا

في اندهاش .. انا قلبي راح مجاش
وكأنك توب قماش
لايق عليا يا ولا

لما جيت يا واد المايله عدلتها
واللي فات مالهوش اثر بعديك
عشت ليك وخلاص حياتي قسمتها
نص انا والنص التاني لعنيك

شوفت كتير واهو ده اللي طبت كفته
لا الكلام ولا وصف هايكفيه
كل يوم بتزيد فالقلب محبته
100 مكان جوايا ليه هافضيه

Sample comments about this video

"اتشرفت بأول تعاون من كلماتي مع الجميله شيماء المغربي و سلطان الشن .. اتمني تعجبكم ❤️❤️"

"صوت و كلمات و الحان مفيش احلى من كدة بصراحة 👌❤️❤️❤️"

"ديما متألق سلاطينو 👍😍😍 ذوقك راقي وجميل في اختبار الاصوات والاغاني الحلوة رائعة عظمة وفخامة شنو ✨️❤️🎉❤🎉❤🎉❤👌"

"الله ينور يا محمود سليم انا عارف ان غابتك دي حطلع روائع كلمات جميله ولحن وتوزيع وصوت عمل جميل بالتوفيق يارب دايما"