سعدود أمه...
سعدود أمه...
دلول و هبلني حبه
عايش في الڤلب وتربى
في غلاوة ريدي ما فما
سعدود أمه
كي نشوفه نيراني تطفى
إبسماته هالڤلب خطفه
يا مبهى الضحكة في فما
علڤني بحبه ونساني... سعدود أمه
وأنا في غراما نعاني،،،،سعدود أمه
إلي نحبه محلالي زينا و ما شبه
وزهات أيامي في ڤربا
إسمي على إسمه تسمى

كله رڤة،...
وزايدلي في الڤلب دڤة
عسول وهذاك حڤه
لاني بلا رادة هويته
هو عمري...
حبيبي وبيديه أمري
وغرامه في الڤلب يجري
بالجرة جايب ثنيته
غرامي وربيع أيامي
إسما يعطرلي كلامي
إلي نحبه محلالي زينا و ما شبه
وزهات أيامي في ڤربا
إسمي على إسمه تسمى

هو...هو...
ساكنلي في ڤليبي جوة
لا حول ليا ولا قوة
سلمته روحي عطيته
محلا ڤده...
فتح نوار على خده
هالزين إلي فات حده
في البر الكله ماريته
من يوم إلراته عيني ....
ماعادش نومي يجيني
إلي نحبه محلالي زينا و ما شبه
وزهات أيامي في ڤربا
إسمي على إسمه تسمى

Sample comments about this video

"الكلمة الجميلة اللحن المتميز و ختامها مسك الصوت و الاداء للفنان الكبير الشاب عماد الكينغ يبقى كينغ الماضي الحاظر و المستقبل"

"هنا من المانيه و من ولد الجنوب التونسي ولد علي بن خليفة النفّاتي...!! أحلى تحية إلى الشاب عماد و ناس بلادي و ناس الجنوب التونسي جملة ، لكم تحية جميلة مثل هذه الأغنية الجميلة والتي هي من ولد الجنوب الشاب عماد 😍 و ربي يوفقه و يحفظهو يخلّيه لينا و نشاء الله ديما متألّق و ربّي يحفظه لينا العمدة 🙏 و نشاء الله ربي يفظلهولك يا أحلى عماد, و سعدود أمه 😍 و غير قول. ❤✌️❤"

"عمدة رانا نحبوك و نتبعو فيك من أيام " على غدادة" . الكليب محلاه في بساطته ،علاش الذكاء الاصطناعي 🤔🤔🤔 زايد حسب رايي المتواضع و لا يخدم حساسية الموضوع و جماليته و جمالية الكلمة و اللحن و التوزيع و و و ،و طبعا اداؤك البسيط اللي فيه برررشة صنعة و حذاقة و النافذ للقلب مباشرة. محبات صديقي ليك و لكافة فريق العمل .🌹"

"روعة مشاء الله صورة إخراج مع صوة العمدة شكرا لكل من ساهم في ااكليب❤"

"وااااااااعر صاحبي هاهو صحيح والباقي تقليد طاااح بيكم مولى الزرع ههههههه انقش ياااعمدة"

"ما شاء الله عمدة جميل العمل أداء و كلمات و حمودة منور ربي يخليهلك و سعدود امه ههه"

"❤ما شاء الله اغاني جميله جدا يا عماد وربي يحفضك وخليلك حموده❤"

"روعة روعة روعة إمتياز كلي منور حمودة السمح والمزيان وربي يصون وتفرح بيه"

"أحلى👑 العمدة👑 💥⚡💎 العجنڨي فنان و كلمات خفيفة و رائعة ❤ و توزيع الفنان مختار الكبسي 🎹🎻🔥 🔥"

"اغنية ممتازة لكن كليب ذكاء الاصطناعي كان تعمل طبيعي يكون أحسن"