وفي الختام
بنسيب مكان ونروح مكان
بنسيب سنين وذكريات
تقدر تقول كان فيها روحنا
فاكره اما رحنا ابعد اماكن
انا لسه فاكر
ولسه عندي كتير كلام

وفي الختام
معرفش الدنيا ساكته لية
زي اما تدخل فيلم سيما
وتخرج تلاقي الدنيا ليل
رغم الزحام الصمت تام
وانا لسة سارح في النهاية
ولسه عندي ميت سؤال
معرفش ليه لما بنام

بحلم بفارس راكب حصان
وبيبتسملي بسمه فيها اسى
وكأني خاين او جبان
وافتكرت اول يوم في المدرسة
aول فراق اول وداع
اول مره قلبي اتأذى

نفس الشوارع نفس المباني
نفس الطريق اللي مش بيودي
ايدي في جيوبي
والسماعات في وداني
ومستخبي
وبسمع نفس الاغنية هي هي

يمكن عشان بتفكرني بينا
او عشان بتفكرني بيكي
لما في يوم صدقتي فينا

انا شفت ضلي كان ماشي جنبي
كان ضهره محني وكأنه بيلمحلي
ان الشوارع مش فكراني
او اني بقيت واحد تاني

بقيت اقول كتير زمان
وبقيت اخاف من كل جي
عايش صحيح لكن بشك اني حي

بحلم بفارس راكب حصان
وبيبتسملي بسمة فيها اسى
وكأني خاين او جبان
وافتكرت اول يوم في المدرسة
aول فراق اول وداع
اول مره قلبي اتأذى

وفي الختام
كل اللي غابوا عني غابوا من غير وداع
وفي الختام
كان نفسي بس اقول سلام

Sample comments about this video

"تسمعها وانت راجع متاخر ف المواصلات ف الشتا وقاعد جنب الشباك و فودنك الايربودز"

"التراك اللي هسمعه في الشتا وأنا راجعة متأخر بليل في المواصلات وحاطة راسي على الشباك ولابسة السماعة وبعمل فلاش باك لكل حاجة."

"هاتيجي تشوف الكومنت دا .. سنة ٢٠٢٧ في نفس الساعة والدقيقة وتلاقي نفسك بتسمع نفس الاغنية .. بس انت مش نفس الشخص… نتقابل السنة الجاية في نفس الميعاد !!"

"1:19 لاقيت الاغنية اللي هسمعها وانا في المواصلات راجع من الشغل مفشوخ من كل النواحي في الشتا السنين اللي جاية"

"عيط كتير اوي الاغنيه تحفه بس ليه حاسه انها مكتوبه لمامت امير فكرتني بكنت فاكر ربنا يرحمها ويغفر لها ويسكنها فسيح جناته"

"مش قادر أشرح قد ايه مبسوط اني عاصرت كايروكي انا من أيام أغنية يالميدان وانا متابعكوا كنت ٩ سنين. كبرت شوية وحضرت ألبوم ناس وناس وكبرت بقيت ١٨ وحضرت البوم اولاد البطة السودا دلوقتي عندي ٢٤ سنة ولسة انتوا الباند المفضل ليا مصر اتغيرت عن الاول وانا اتغيرت وكل حاجة اتغيرت يمكن الحاجة الوحيدة اللي لسة متغيرتش كايروكي 😢"

"انا شوفت ضلي كان ماشي جمبي كان ضهره محني كإنه بيلمّحلي ان الشوارع مش فاكراني او اني بقيت واحد تاني!!"

"يجدعان انتو بجد مش فاهمين انه بيتكلم علي امه في الاغنيه دي ركزو فيها تاني"

"الاغنية مش بس عن امه، الاغنية تتكلم عن كل انواع الفراق فهو لما صار وحيد تماما، تذكر ان اول فراق كان من امه، بس الاغنية مش كلها عن امه لو فهمتوها.. مش بس امه فارقته"

"كل واحد كان عندو أسئلة كتيرة كان نفسو يتجاوب عليه بس بنختار نمشى بسوكات"