أنا فاضل لسه معايا
كام أول مرة في جيبي
كام عود كبريت في العلبة
مرضيش يولع عالفاضي
كام عود ملهوش ولا سابقة
ف الحرق إلا المرادي
أول مره ادخل سيما مع بنت
كانت في اعدادي

كان كدة للموضوع قيمة
وبعديها خلاص.. بقى عادي
أنا اسف جداً جداًعلي أول مرة
اتحرقت
ع الفاضي
ومش وياكي
وأبوسك أول بوسة
تتباس أصلاً ف حياتي

و اتأسف بعدك تاني
على أول مرة معاكي
و اتأسف تاني وتالت
علي كل كلام اتقال
و أحرق ف حاجات اتقالت
كانت لازم تتشال
لبتوع الدور الجاي
و الجاي أبقى من الفايت

ميت بيسلم حي
والميت وإن كان تافه
ف بيفضل ملهوش زي
فنا حفضل فاكر ميّ

اول ايد بنت امسكها
اول شوكلاتة هدية
أول توصيل للبيت
لحد مافجأه لقيت
مش باقي معايا ف جيبي
غير كام" أول" يتعاش
معرفش إن كنت حشيلهم
ولا حبيعهم ببلاش

متشكر جداً جداً
على وقتك تاني يا دكتور
-العفو يا سيدي اتفضل
واديتني روشتتي تاني
مشطوب منها اربع تسطر
-مش حاسس إنك أحسن
من اخر مرة تجيلي
مش حاسس أصلا حاجة
علي إيدك يعني أديلي
ساعتين عمال أتكلم
و مش فاكر نص كلامنا
-السبت الجاي معادنا
لأ دنتا الحد ... نسيت
خد بالك بقى من نفسك
وفيه دوا حنكرره تاني

أنا أصلا حبقى كويس
ومفيش حاجة مضايقاني
واخدت الباب ف اديا
وما صدّقت إني مشيت
كان فاضل لسة سيجارة
ف العلبة لقيتها معايا
بس استخسرت أشربها
قبل أما أوصل للبيت

Sample comments about this video

"أمير عيد عامل زي الثقب الأسود، بيبلع اي حد ويخليه يرجع فلاش باك من أول ذكريات الطفولة لحد دلوقتي"

"سولو الجيتار الي في الآخر دا خلاني شويه وهنط من العظمه، جددت باقة النت مخصوص وقلت اسيب بصمتي عشان الاجيال الي جايه🙏🏿"

"الاغنيه اللي محدش بياخد باله منها ف الالبوم و بعد كام سنه تبقا اشهر حاجه من الالبوم"

"الناس اللي هتسمع الاغنيه بعد 50 سنه سنه 2076 ادعولنا بالرحمه لو متوفين وادعولنا بحسن الخاتمه لو عايشين"

"ياتري بتفكر فيا وانت بتسمع الالبوم دلوقتي زيي ولا لا كاريوكي كان اكتر حاجه مشتركه بحبها انا وانت مش قادره ابطل افكر فيك مع كل اغنيه"

"الناس اللي عاصرت كايروكي زمان مواليد التسعينات والثمانينات هيعجبهم الالبوم ده أكتر من روما ❤️❤️"

"النقلة بين السطرين دول عبقرية مش حاسس أصلا حاجة علي إيدك يعني أديلي ساعتين عمال أتكلم و مش فاكر نص كلامنا أنا أصلا حبقى كويس ومفيش حاجة مضايقاني واخدت الباب ف اديا وما صدّقت إني مشيت أي حد في إكتئآب هيفهم النقلة دية كويس"

"Gen z بتوع توليت فاهمين العظمة بتاعة جيل كايروكي ولا ايه اخبارهم؟"

"الاغنيه بتتتكلم عن اول حب ف حياتك او مشاعر او اول طاقه بتديها للشخص اللي حبيتو واللي هو مكنش يستاهل طاقتك او حبك ف ابتديت تحرق وتحرق وبعدها الشخص ده راح لما انت فجأه صحيت وفوقت ومش بيتبقالك غير شويه ذكريات او مشاعر عيشتها و اول كل حاجه حصلت وكان وقتها كل حاجه ليها قيمه حتي كلمه انا اسف وبعدها لما جالك الشخص الصح انت بدأت تحس انك بتعيد السيناريو تاني بس من غير احساس المشاعر بتاع اول مره وبدات وقتها تستوعب ان مشاعرك اللي فاتت كانت المفروض متروحش كلها وكان يتشال منها للشخص الصح وبتبتدي تحس ان شخصيتك اللي فاتت ماتت وانك حي دلوقتي بس بتاخد كل المواقف والمشاعر من نسختك اللي ماتت اللي كانت وقتها شخصيه تافهها وبتفضل فاكر حب حياتك القديم اللي ملهوش زي اول ايد مسكتها اول شيكولاته او هديه اول توصيله لحد ما انت فجأه بقيت حاسس ان متبقي من مشاعرك حبه قليلن مش عارف هتشيلهم ولا هتحرقهم تاني مع نفس الشخص"

"2:39 الاغنية ديه حلوه اوي و بفارق كبير عن باقي الالبوم لسبب انها بتتكلم في فكرة احساس و قيمة التجربه الاولي مع الشخص اللي يستحق ده .. انك تعمل حاجات كتير مع ناس مختلفه كل شوية ده بيضيع عندك احساس انك تنبسط بالتجربه ديه لما تتكرر مع الشخص الصح لانك اصلا جربتها قبل كده مع ناس تانيه انت عارف انك مش هتكمل حياتك معاهم بس انت بتبقي عايز تملي حياتك و خلاص بناس وتخرج مع ده و تروح مع ديه و تعيش تجارب وهميه تديك دوبامين مؤقت زي ما قال بظبط أنا اسف جداً جداً علي أول مرة اتحرقت ع الفاضي"