الشّوق ماله عمر يفنى وينعاد
له في الضلوع إن عاد وان غاب رجفه
مع كل فرقا له ورى الجفن ميلاد
وان ماتت الفرقا لقى الشوق حتفه

جيت اقتل الفرقا من بلاد لبلاد
ملّ الطريق يشيلني فوق كتفه
وانا بعد ملّيت من كثر مـاارتاد
هالشارع اللي كان لك فيه شرفه

نويت اسافر عنك بجروحٍ جداد
وعمر من اوراق الزمن حان قطفه
نويت لكن جابني الشّوق منقاد
وجابك حنينك والزمن سال عطفه

شفتك تبسم لي خجل مدري عناد
وفي نظرتك شوقٍ من الظلم وصفه
سم اللقا صدفه واسمّيه ميعاد
انا انتظرتك وانت مريّت صدفه

Sample comments about this video

"سم اللقى صدفه وانا اسميه ميعاد ، انا انتظرتك وانت مريت صدفه .. تمنيت لو شد حيله عبدالمجيد فيها لان هي عين القصيده ماتكون عاديه ابداً حرام قصيده بهذا الجمال يكون ادائها عادي ،، الكلمات تستحق ان يخلدها التاريخ"

"اول ما تسمعون الالبوم ماراح يعجبكم لكن إذا سمعتوه مره ثانيه وثالثه صصصصصدقوني بيعجبكم انتو زيي ؟ 😍🤍"

"الله الله المثلث المرعب وصل الساحة الحان خطيرة وكلمات جميلة وغناء راقي، اتمنى اسمع الثلاثي هذا كثير 💐💐🤍"

"اروع اغنية في الالبوم ثلاثي خطير غناء وكلمات ولحن مثل هالاغنيه تبقى لكل وقت 🎉🎉🎉🎉🎉🎉🎉🎉🎉🎉"

"من التسريب قلت هذي اغنية الموسم تحفه فنيه شكراّ مجيد 🥹🥹❤️❤️"

"أغنية المطر والروقان تشغلها وأنت في المترو وتعيش جوك وحنينك ألحانها تفوز بأجمل وأرقى الألحان الحديثة ومجيد كالعادة يلامس الروح مع صوت المطر وهدوء السكة ❤️🌧️🎶"

"نويت لكن جابني الشوق منقاد 🥹 وجابك حنينك والزمن سال عطفه❤️"

"سم اللقى صدفه واسميه ميعاد انا انتظرتك و انت مريت صدفه😢"

"مع كل فرقا له ورا الجفن ميلاد وان ماتت الفرقا لقى الشوق حتفه"

"الله ياااااا عبدالمجيدعلى البووووووم الجديد الصدفه شكرررررررررررا على الكلام الحلو من كلام شوقي احمد ااااااااااااا ❤"