عوّدت قلبي على صوتك وضحكاتك
أسهر عليها إلين النوم يدركني
مافيه احد في البشر سوّا بي سواتك
اسمك اذا مر بين الناس يربكني
أوله على نظرة عيونك ولفتاتك
واغار من ناس في صوتك تشاركني
ويذبحني الخوف لامن طول اسكاتك
اخاف ناوي يجي لك يوم تتركني
محتاج احبك واعوض كل مافاتك
وجروحك ألحق عليها قبل تنهكني
درب الليالي تعب من دون خطواتك
والنسمة اللي بدونك ماتحركني
مدري متى يهتدي ليلي لنجماتك
واسري وكن الهوى بيديه ماسكني
خذني على وين ماتلقى بنظراتك
الله ياذا الشعور اللي يتملكني

Sample comments about this video

"وأغااار من ناسٍ تشاركني في صوتك👌❤️‍🔥 الي سنه وشهرين ماسامعه صوته💔💔"

"يالله يالله يالله على هالأغنية، لحن الهرمي، حرام عليك يا مجيد ما تعطيه أكثر من أغنية والله حرام، هذا اللحن اللي يشبهك ويشبه تاريخك وفنك."

"الهرمي يعطيك لحن واحد بس ويكسر الدنيا كلها، الملحنين الثانيين يعطونك 3-4 الحان بنفس الالبوم وبالاخير ولا اغنية تضرب، الهرمي يغرد خارج السرب"

"تجنننننننننننن حسيت اني اسمع جديد مجيد الصح 👏🏻👏🏻👏🏻👏🏻 ابدعوا ثلاثتهم المساعد والهرمي ومجيييييييد 👏🏻💃🏻💃🏻💃🏻💃🏻💃🏻"

"مستحيل تلقى اغنية حق عبدالمجيد مو حلوه !! فارق فارق هالفنان"

"فهد المساعد شششششاعرررر ويعرف يختار لكلاماته الملحن والمطرب اللـي يستاهل يغنيها 💪🏻🌸"

"ياريت كل الألبوم كان من تلحين الهرمي لأنه الوحيد اللي يوصل مشاعرنا"

"اخيرا... الاغنية والكلمات واللحن .. هذي اعطيها ٩ من ١٠ لحد الحين تتفوق على باقي الأليوم 🎉"

"احمد الهرمي الانسان الوحيد اللي ما رح يجاري ابداعه الذكاء الصناعي و انتهى الكلام 🌹"

"نفس نمط هالاغنية سامعها كثير عند مجيد وغيره من قبل متكرر الهرمي بشكل ملل 😴💔"