اللوحة الأولى (هذا وطنــــا):

هذا وطنا ما يشابه غيره
ما أجمل ثراه ويا كثر خيره
أرض السعودية لنا ديرة
نفخر بها والعز فيها دايم

هذا الوطن يعتز بأبطاله
شعب وملك وأجياله
الطيب والمجد ترقى له
بالحرب محدٍ لنا ضايم

نخلة سلام بين سيفين
تثمر زهور وبساتين
وعدوها ذاق الأمرّين
وشعبٍ بحب الوطن هايم

اللوحة الثانية (أغلى عتــــــــاد):

المليك اللي بكلّ قلبٍ سكَنْ
عاشقينه وقلبَه لشعْبَهْ حضِنْ
معْهْ نمشِـي كلّ درب ولا نخافْ
والله بسلمان يحمِي هالوطن

يامحمِّد ياولي العهد الأمِيـنْ
لجهودِك والمساعِي شايفِيـنْ
شعبِك بكلّ الثقَه في رؤيِتِـكْ
مالحقْهُم شكّ .. بإسمِك معتزين

بما زرعته واثقين وبالحصَـادْ
أنت واقع بالعطا والخير جاد
جعل حسِّك يامحمَّـد مايغِيبْ
ياعظيم الفعْل ، يا أغلى عتَادْ

اللوحة الثالثة والأخيرة (تطمنــــــي):

تطمّنِي.. حتّى الفرَحْ اللي صنعتِي شايفين
وطموحِنا اللي ترسميـنْ بنحققه وبك واثقين

تطمّنِي .. في رحلتِكْ .. أحلامِنا هي رفعِتِكْ
ياللي رسمتِي دروبِنا .. حنّا نتيجَـة فكرتِك

تطمنّــــــي

تطمّني باللي انزرع حصاده اغلى مجتمعْ
بنردّ لك كلّ الوفَـا خيرك علينا كم سطَع

تطمنّــــــي

تطمّني حنا بخيـر .. بك واثقيـنْ و للأخير
بأغلى ثرَى متكاتفيـنْ .. حبّ الشعَب للدّار غير

تطمنّــــــي

Sample comments about this video

"نعتذر لكم جدًا عن اللي صار، كان فيه عطل فني والحمدلله قدرنا نحل المشكلة 🤝 ونتمنى من كل محبين أعمالنا إنكم تدعمونا بتعليقاتكم وتفاعلكم عشان بإذن الله ما تتكرر أي مشكلة مرة ثانية. وحابين نقول لكم إننا نقرأ كل تعليقاتكم، وممتنين جدًا لكل شخص يدعمنا ويوقف معنا 💙 شكرًا لكم على دعمكم المستمر، والله يسعدكم جميعًا."

"الفخر طالع من خشمييييي 😭🇸🇦🇸🇦🇸🇦 الأغنية لحالها رفعت مستوى الفخر عندي مليون، من أول ثانية وأنا كذا 😭🇸🇦 وش ذااااااا! مروى وش سويتي فينااا 😭❤️ الأغنية تجنن وتحسسك بالفخر غصب، خصوصًا مع أجواء اليوم الوطني 😭🇸🇦💚 والله إني كل ما أسمعها يزيد حبي لوطني السعودية أكثر، أعيدها وأنا مبتسمة من الفخرررر 😭🇸🇦🥹🤏🇸🇦🇸🇦🇸🇦🇸🇦🇸🇦 عاش الوطن🥹🤏"

"ما استهبل لو أقول إني من امس أعيد فيه وأزيد ولا مليت وكل مره أعيده انبهر في شي جديد ،، كلمات استعراض ستايلات البنات ودخولياتهم وتنسيق كل لوحه وألوانها ونقله بين لوحه ولوحه واختيار رهيب لكل بنت موجوده ولكل صوت موجود فالاوبريت فعلا انتِ مختلفه ي مروى بكل شي تسوينه أنتي والبتول وكل مره تبهروني بفكره وشي مختلف ومميز وما يخطر في بال احد فعلا أساطير المجال انتو ، فخوره فعلا انك ي مروى بنت آلسعوديه عشان نشوف هالجمال والإبداع كل مناسبه وطنية أو أي مناسبه مميزه فعلا مختلفه وسعيده إني أعرفك من بداياتك وللان في نظري أنتي مختلفه ومميزه لو يكثرون اللي فالمجال تبقين أنتي الاسم اللي اثبت نفسه من سنين ولا يختلف على إبداعك احد ، الله يوفقك يارب ويزيدك وعقبال يارب نشوفك في افضل وأرهب الأماكن نحبك ❤❤"

"بمدرستنا بنات لابسين شال السعوديه والكويت حق مباراة اليوم 🥹 يااااربي كل عام وانتو طيبين والله يديم عليكم الأمن والأمان 💕🇰🇼🇸🇦"

"أنا من عمان و الصراحة اتمنى اشارك معكم تقريبا شفت الفيديو 20 مره 🥺 ابدااااااااع🤍🫰🏻"

"أحبك يا وطني🇸🇦 حسيت بفخر وأنا أشوف المقطع🥹🤍 الله يحفظ ولاة أمرنا وشعبنا ويديم علينا نعمة الأمن والأمان🤲🏻❤️‍🩹"

"انا من ليبيا اعشق اسعودية عشق وودي ازورها يوم من الأيام و لأغنية مرة تجنن،🇱🇾🇸🇦"

"كل عام والوطن سعودي بخير ماشاء الله ابدااااع بس لو كان جود والعنود عند البنات كان احلى ❤❤ من 🇴🇲"

"الحجاب فرض والموسيقى حرام، هذا ديننا واضح وهاذي مجاهرة بالمعصية لا بارك الله في أعمالكم"

"مروى وش هالابداع مو بس كليب لليوم الوطني… هذا إحساس كامل بالوطن 🥹🇸🇦❤️ فيه كليبات تنشاف، وفيه كليبات تحسّينها تدخل القلب من أول ثانية، وهذا واحد منها فعلًا! كل تفصيلة فيه تقول قد إيش السعودية بقلوبنا، فخررر ما ينحكى بالكلام 😭🇸🇦✨+ مو غريبه عليك يامروى و القروب دايم تبهرونا"