سارعت للمجد والعليا بلادي
لين ماصار الفخر و المجد عادي
صارت الامجاد تفخر في وطنا
مركز التاريخ و العز السيادي

في ذرا اللي بشته مذري بلاده
فيصليٍ ماخذ الامجاد عاده
عاشت بلادي على عز ومعزه
بارك الله دارنا شعب و قياده

تكبر الارياء و ترجع تحت شوره
مرعب العدوان في هيبة حضوره
يسكت التاريخ فحضوره وينصت
لا تعزوا اخو نوره .. باخو نوره

وفي ولد العهد ما تكفي قصايد
سيدي ما يشبهه في الارض قايد
في محمد ، تفتخر امة محمد
وفي ذراه تلوذ لاجات الشدايد

دارنا بالارض ما نلقى مثيله
والله ان الشعب كله يحتمي له
وكلنا نردد بصوت العز دايم
من يقرب دارنا يا ويل ويله

العلم مرفوع والدار محميه
في ذرى روس الملوك الفيصلية
الكبار اللي ليا جات المصايب
دونهم نارد على حوض المنيه

الولاء كل يوم يكبر ويتجدد
ولابنا اللي لادعا داره تردد
كلنا دون الوطن في صوت واحد
السعودي مايخاف و لا يْهدد

يابلادي واصلي والله يزودك
كلنا ياموطني حنا جنودك
ولك علينا دامت الارواح فينا
ماتمس عداك يابلادي حدودك

من يعادي دار الامجاد التليده
مايحصل ضحكه ولايوم عيده
مايحصل غير مرعبة المعادي
الرجال اهل المفاخر و العقيدة

لا بدا للشر و القالات طاري
رف يالاخضر على روس السواري
والله ان اللي على شانك تحاموا
مايجاريهم على الطاله مجاري

العزم والحزم و سلاح الاراده
والجيوش اللي تحت امر القيادة
كلها نادت بصوت الحق تبشر
بالنصر يا دار و الا بالشهاده

برؤية محمد وعزم الشعب كله
مانبيه يصير في وقته وحِله
تكبر الاحلام و محمد يحقق
دام مجده فالبلاد و دام ظله

الوعد قدام باذن الله تعالى
نفرح وامجادنا دوم اتوالى
السعوديين فالعلياء دايم
النجوم اللي بسما الارض تلالا

رددي الله اكبر يابلادي
مايضرك لاحسود ولامعادي
وابشري فينا على عز ومعزه
واالله انا كلنا دوننك نفاادي

Sample comments about this video

"❤❤ حفظ الله المملكه العربيه السعودية 🇸🇦 😢😢 هي الذي وقفت معنا وقت الشدايد هي الذي وقفت معنا وقت الحرب ع اليمنين يارب اجمع البلدين 🇸🇦❤❤🇾🇪"

"1:40 وكلنا نردد بصوت العز دايم ("من يقرب دارنا يا ويل ويله")🇸🇦🫡😭"

"اليمني والسعودي لايخف الا من الله من صنعاء احبكم شعب السعودي🇸🇦❤️🇾🇪"

"الله يديم الامن والامان والاستقرار و العز ويديمها قاهره للاعداء 🫡🇸🇦🌴⚔️🤎"

"تحيه كبيره وتبريكات من الممبكه الاردنيه 🇯🇴 🇯🇴 مبارك عيد الوطني"

"شرطتين : الأول : أحرس عيوني ب 4000 منملائكة. الثاني : محد دفترك ."

"وااااااااووو الكلمات والمكس والألحان تجننن أتوقع ان شيله حنا جنود المملكه تتراجع المركز الثاني 😂 اللهم لك الحمد كما ينبغي لجلال وجهك الكريم وعظيم سلطانك إني سعوديه 🇸🇦🫡 ببكي أنا كيف صرت سعوديه الكلمات تخليني ابكي من الفخر ولا أنا بعد من الجنوب يعني الفخر كاسر سقف بيتنا 😭😭 ما شاء الله ابدع مره ماجد 🤍"

"كيف اصير سعودي واتجنس امزح الحمد الله اني يمني تحيه لكم من شمال اليمن ونحبكم ترا في ملاحظه في صوت المنشد ماجد لو يثخن صوته اكثر بيكون افضل ويطلع الصوت كذا بالسهاله"

"ما فيه دولة في هالعالم مثل السعودية 🇸🇦 أرض يحكي فيها الصحرا كل قصة مع كل حبة رمل، وجبالها واقفة شامخة تحت سماها الواسعة، وفيها القلب يحس بشعور ما تقدر الكلمات توصفه.ما عندي إلا حياة وحدة، ولو عندي ألف حياة، بفدي كل وحدة منها عشان السعودية.🇸🇦🫡"

"❤❤ حفظ الله المملكة العربية السعودية الحبيبه وحفظ الله بلاد الحرمين الشريفين حكومة وشعبا اهل الكرم والجود والشهامة ❤❤ فخر العرب ❤"