وطنٌ لهُ نَسري دِماءٌ حافية
حربٌ تُباهلُ فينا حرباً ثانية
قالوا وكانَ الصَمتُ منّا صَرخَةً
بفمِ العراقِ الحرِ تَصدَحُ كافية

واحد واحد
يبقى عراقي حر
من خيره النا يدر
ماينحني ويعثر

واحد واحد
بلعالي اسمك ضل
وعن حبه لا منمل
ما ظنه راح يقل

كل احنه عاهدناه
يلگانه عد يمناه
باحضانه ندفى نريد
كل العمر مو يوم

وترابه ما ينداس
نوگف عليه حراس
الهوى الي يمر بي
يرجع إذا مشموم

الخطأ ميدوم من يلگاله صوت
خلي نبدي نصحح وخل نستمر
ايد وحدة شلون بس تبني العراق
ايد بيد إنزيّن ايام العمر

واحد واحد
يافرحة من نلكاه
ناسي الحزن وال اه
ما نكدر بلياه

بلدم عراقيتي
من عنده عافيتي
هذا الوطن محلاه

بكل شدة اقوى يگوم
مايشتكي إمن اهموم
إبوجهه ضحكة خير
إتطمن المظلوم

لاسمه احنه فدوة نروح
ترخص اله هالروح
قائد على التاريخ
واحنه إعله متنه نجوم

يا ساتر يا فوگ الساتر
يا سد انحط گبل السد
واحدكم لو يرجع سالم
حس بنفسه مقصر رد

عراقي اصلي هذا فصلي
من سومر واكد هذا نسلي
من طين هالارض انكتب اسمي

والعز بدمي ووريدي يمشي
دجله تشهد فرات يحجي
عن شعب بالمحن ما ينحني

من بابل موصل بصره وبغداد
كل شبر بيها قصه وامجاد

تسألني منهو العراق
هوه خبزه التنور من ايد امي
هوه ريحه جاي مهيل ويا الحجي
هذا العراق مو بس وطن
هذا اب وام وهذا سكن
هذا هوه عراقي