دخيلك يالنديم اللي تجدد طاري الاسلاف
ترى الذكرى القديمه للضلوع العوج جزاره

امرك في مكانك وارمي شماغي على الاكتاف
على قل الكلافه وش يرد الجار عن جاره ؟

عن زحام المدينه نغتني بـ المجلس المضياف
يكفّي عن ( مشاريع الدول ) شبلً على ناره

لاونه في كنف بيت الشعر مترامي الاطراف
اشوف الراحه اللي في طرف مركاه وو جاره

ليا فاحت مباهير الدلال وحافها الحواف
تنشّد من يعرف الكيف عن هيله و مسماره ؟

رفيق الدرب و الجرح الدفين وقمة المشراف
هي اللي تبحث الرجال لين تبيّح اسراره

سقى الله شمس عمري قبل لا تقبل على المهياف
وسقى الله ضحكة ً قد خلت العبرات مدراره

ضروف الوقت مايحمد لقاها والقدر خطاف
يتعبك الفقيد الغالي اليا صرت قباره

احن من الزمن وتحن بنت الفاطر الميلاف
قريعً تقطف الروض الحيا وتطخ مخضاره

عسى ربي يعجّل ب السحاب الممطر الهتاف
ليا هلت مزونه خلت الشعبان هداره

على هاك الديار اللي طبيعتها حجا و سناف
يشم الجرح لا صاك الربيع و خنت ازهاره

من يعاني من الحرمان والتنكيد والاجحاف
طرات العمر لا من المقاود بعدت داره

يرد الليل صوته كل ماغنى و جر القاف
تقول انه يسولف للظلام و يهتك استاره

سمح قلبه من احداث الزمن واقفى وصد وعاف
من الي ما يعذره واطيب الاجواد عذاره

عذابه كل ما جر الطويل وطروا المنكاف
يخيل البرق في عرض السماء ويلاعب الطاره

يردد بالخفا ( يا عبيد لا غنت سيور الهاف )
يبى هاك الطريق يغربه ويطول مشواره

ليا طاح المطر طاحت هموم الخاطر المنلاف
اثر ذكر الحيا والطيبين تبيّن اذكاره

طرالي في طرف جمران ضلعٍ رايته تنشاف
يزيد الي على اسمه كل يوم يزيد مقداره

ولد هزاع لا هاب الذليل وجنّب الخواف
عصب راسه وقام حزام جنبه يزحم زراره

يطيع المدح ويقبل يمين الهيلع الجزاف
ليا عيا عن اللي شابكً يمناه بـ يساره

هذا العدواني الي للعدو جرحٍ بدون اسعاف
يوقف في نحاه و يلحق الغاره ورى الغاره

شجيعً ب المراجل حارب الاحزاب و الاحلاف
جعله الله دمار جموعهم لا رزوا الشاره

رباه الشايب الي عمته وقت اللقا تنكاف
وطار النادر الي هدته من كف صقاره

كريمً مايحط العذر ف التبذير و الاسراف
يبرك له جمل فوق الجمل ويسوق معذاره

على بوابته جمع القبايل واكثر الاطياف
ولا حدن لايمه و الحشو في دنا و قناره

ولادار العود الازرق في محله زاكي الاصناف
عرفت الفرق لامنه تخلع فوق مجماره

يا طيب اللي ليا جوه الطراقي كن فيه خفاف
ماهوب اللي حجاجه عاقده ف وجيه زواره

تولع في هوى صمخ النوادر راسه المشعاف
ياحي الراس لا منه (دجر ) مع درب دجاره

زبون الفارط اللي عيبها الميات والالاف
يدور في طرفها طنخته مادور تجاره

يخط الشيك ابومليون فوق جلالها الشفاف
ولا يركي كوعه الا في شداد و قلة حواره

لا شاف الفردي اللي فوقها سود البشوت لحاف
عزلها مثل عزل الشيخ والفرسان قهاره

هذا الحمادي اللي لا تعزوى يحرق الصراف
وهذا اللي دون ربعه هيبة اسمه ترفع اشعاره

تقدم عن مطنخ روق للوقفه و للميقاف
يبى بكره على صاهد منيف يعد محداره

مثل محدار جمع عتيبه الهيلا زمانً طاف
توهّل نجد الانجد قوة عظمى و جباره

نهار ان اليدين طوال و الجزعه كلامً حاف
دمار اللي يفحّم سبقه و يعسّف مهاره

نضد اشجع شيوخ القوم ونحده على المذلاف
نحوّل في مبارك ذوده ونارد على ابياره

ترانا نصرة التوحيد و الشيخان والعراف
ولا نا مع معزي يحفظ التاريخ مقداره

Sample comments about this video

"قال الرسول ﷺ : ‏من لزمَ الاستغفار جعل الله لهُ من كلِّ ‏همِّ فرجا ، ومن كلِّ ضيقٍ مخرجاً ، ورزقهُ ‏من حيث لا يحتسبْ ‏- استغفر الله العظيم وأتوبُ إليه🤍"

"اللهم اغفر لي ولوالدي وللمؤمنين والمؤمنات والمسلمين والمسلمات الأحياء منهم والأموات"

"لاكان مالي علاقة في العدوانية غير انا من ناس من عبيدة قحطان يقال لنا آل مشراف وشاش راسي يوم قريت الاسم"

"من وجهت نظري الثنائي هذا ظالمين مستواهم الشعري اللي اشوفه حرام يكون جديدهم مدح دايم مستواهم الشعري يعتبر استمداد لقامات وأركان شعراء عتيبة وظهور جيل يضاهي الأجيال اللي سبقته"

"الله يقلع صياح الجفراني وصوته النشاز حرام هالكلمات م يلحنها ويشيلها خالد البريك"

"قال الرسول ﷺ : ‏من لزمَ الاستغفار جعل الله لهُ من كلِّ ‏همِّ فرجا ، ومن كلِّ ضيقٍ مخرجاً ، ورزقهُ ‏من حيث لا يحتسبْ ‏- استغفر الله العظيم وأتوبُ إليه🤍"

"قال الرسول ﷺ : ‏من لزمَ الاستغفار جعل الله لهُ من كلِّ ‏همِّ فرجا ، ومن كلِّ ضيقٍ مخرجاً ، ورزقهُ ‏من حيث لا يحتسبْ ‏- استغفر الله العظيم وأتوبُ إليه🤍"