يا مقبل ع المحرق
يا رايح الصعيد
ياللي علشان العدرا
جاي من مكان بعيد

القرار

تعيش وتزور
تعيش وتسافر ل أم النور
يا بخته اللي ينول بركتها
يعود بسلام وفرح وسرور

يا مبيت جوه درنكه
سهران ل نص الليل
تمدح في ستي العدرا
وتقول فيها المواويل

ياللي مكمل طوالي
ومشيت ليها مشاوير
توصل بسلامة يا غالي
للعدرا في جبل الطير

Sample comments about this video

"يا عدراء وحياه ابنك يسوع خليكى معايا فى الإمتحانات خلاص فاضل يومين اكرمنى يا رب بمجموع حلو بأسم يسوع اثق انك تسمع وتستجيب ❤❤❤❤❤❤❤❤😢"

"شفعتك معانا يا عدار امتحاني يوم الاحد 3 ثانوي صلولي ❤❤"

"بحب اسمع ترانيمك اووي صليلي انا ف ثانوية عامة وامتحاناتي بعد يومين وانا عايزه افرح قلب بابا واحقق حلمه علشان هو سافر السماء ونفسي ربنا يعوضني"

"صلوات العدراء تكون مع تالته ثانوي 😢 يارب ارجع بعد سنه اكون محققه حلمي ببركه العدراء أنا وكل صحابي ....🥹🤲"

"يا عذراء زي ما روحت وطلبتها منك بدموعي وبقولك حققيلى حلمي اجيلك المره ديه وابكي من الفرحه واقول لك شكرا مكسفتنيش وبركه شفاعتك يا ام النور تكون معانا ومع كل طالب في ثانويه عامه هيمتحن كمان يومين❤❤"

"ربنا معاكوا كل طلبه الثانويه العامه ربنا يعوضك تعبكم ويفرحكم يارب كل حد يصلى من أجلهم ❤❤❤"

"صلولي في ثانويه عامه ربنا يقف معايا واجيب مجموع حلو هنبدا كمان يومين🥹❤️❤️"

"يا ام النور فرحيني يا عدرا علشان اروحلك السنادي وانا فرحانه امانه عليكي يا ام النور❤ يارب اجيب مجموع اللي نفسي في يا ام النور ❤. امتحاني بعد يومين ❤🥺"

"انا عندك فجبل الطير يا امي بس هاجيلك درنكه كمان شهرين واقولك شكراً ليكي علشان استجبتي وحققتيلي حلمي🥺🥺♥♥ارجوكي اقفي معايا الشهر ده وخليني احل حلو يحبيبتي🥺🥺🙏🏻♥♥"

"ربنا يفرح قلبكم ياحبايبي كل الممتحن ثانوية ربنا يجبر بخاطركم والعدرا تشفعلكم والملاك ميخائيل يشفعلكم"