عودتني الدنيا أخسر، أخسر
وإني لما أحب حاجة قوام تسيبني
أي لحظة فرح تقصر
طول حياتي الحزن قاعد بيراقبني
وأما جيت لحياتي قلت الفرحة جاتلي
والسعادة خلاص معايا وقربتلي

بس برضه بعدت عني
آه، حلمي راح كالعادة مني
قلت أحب الحزن يمكن
برضه زيك هيفارقني
بس دي الحاجة الوحيدة
اللي دايمًا بتلاحقني

يوم ما جيت وناديت عليا، عليا
قلت قدري شايلي حاجة وبيفاجئني
شفت أجمل دنيا جاية
والنهاردة بجد راح اللي مضايقني
لما جيت أنا شفت نفسي في بكرة أجمل
ياه، أخيرًا عندي حلم خلاص هيكمل

بس برضه بعدت عني
حلمي راح كالعادة مني
قلت أحب الحزن يمكن
برضه زيك هيفارقني
بس دي الحاجة الوحيدة
اللي دايمًا بتلاحقني

عودتني الدنيا أخسر، أخسر
وإني لما أحب حاجة قوام تسيبني
أي لحظة فرح تقصر
طول حياتي الحزن قاعد بيراقبني

Sample comments about this video

"🔴ياريت لما اتنزلوا أغنية ومازال ع البال تزبطوا الquality بتاعتها لأن هندسه الصوت فيها من اوحش ما يكون والاغنيه من احلى ما يكون… خساره تفضل كده"

"معقولة روعة الأغنية دي … شيرين مصنع دهب … معجزة فنية"

"أجمل ألبوم ياريت ينزل كله هنا من تاني لأنه ف اغاني مخدش حقها زي أغنيه وما زال ع البال ❤"

"بنت مصر وحبيبه العالم كله نتمني لها الخير انا عن نفسي مش مستعجله انك تغني الاهم تهتمي بصحتك يا شيرين وبس"

"اه يا شيرين يا صوتج و يا احساسج و يا اغانيج الحلوه"

"اخيرا الالبوم هينزل رسمي وكلنا واثقين ان بردو هيعدي مشاهدات كل النسخ اللي فاتت 😍❤"

"اتمني الألبوم ده ينزل كامل بجودة عالية زي ألبوم اليسا الاخير لما اعادو اصدارة من كام يوم"

"‏اغنية عودتني الدنيا دي كفيله تخلي يومي كئيب من مجرد سماعها اصل فيه ايه اصعب من انك تحب الحزن وتتعايش معاه عشان هو اللي مش بيفارقك زي باقي الناس ❤️‍🩹"

"ال داخل التعليقات ومستغرب ياجماعه دي شيرين اغانيها القديمه جديده بمنتهي البساطه"

"ده ميحطيش شرين في مشكله أنها تنزال لاغنيه ملاك لشركه تانيه يارب استر عليها"