Bir qərib aşiqin, qəm düşdü gözünnən
Elə bil bu dünya, cəm düşdü gözünnən
Yenə damla-damla, nəm düşdü gözünnən
Səssizcə bir gecə xəlvət

Məndə var xatirən, onu saxladım mən
Qürurumu əymədim, dərd əyağladım mən
Var birgə şəklimiz, baxdım ağladım mən
Olsa da içimdən nifrət

Gecələr bənziyir, gözünün rənginə
Qulağ həsrət qalıb, telefon zənginə
Yoxluğun aşiqi, alıb öz cənginə
Bu nə taley, bu nə həsrət

Səni sənsiz anıb, düşünmüşəm hər an
Qədrimi bilmədin, aldı səndən zaman
Yolunda qalmışam, birxəbər birgüman
Səni görmək ola qismət

Gecəyə zülmətə, qəmə dustağam mən
Gəl danış dərdini, sənə ortağam mən
Payıza tuş gələn, kimsəsiz bağam mən
Bağ verdi bağbana əzyyət

Olsun ömrüm belə, bunu istəməzdim
Gedəndə diyərdin, sənə dur deməzdim
Qərarın qəfildi, bunu gözləməzdim
Edəsən eşqə xəyanət

Sənə safdı sevgim, bunu danmadım yar
Bezmədim özümdən, mən usanmadım yar
Sevdim səni sonsuz, heç utanmadım yar
Çəkirəm indi xəcalət

Hardasan kimləsən, xəbərim olmadı
Mənim səndən ayrı, kədərim olmadı
Neyləyim gözündə, dəyərim olmadı
Vermədin sevgimə qiymət

Sample comments about this video

"Geceye zülmetem qeme tustaqam men, mahnı ele bil menim heyatım üçün yazılıb😔😔😔"

"Allah Ramal gardasa rəhmət eləsin onun adina yazilan mahnının musiqisidir bu"