عندي سؤال
ازاي قدرتي تكوني أقرب ف الغياب
عندي أمل، نرجع و لو بقلبين جُداد
مشيتي من غير ما تقوليلي أعمل ايه ف الذكريات
و أصعب من الصبر، الغياب

واحشاني، و واحشني نفسي اللي كانت معاكي زمان
ماسك صور لينا بنضحك ف وسط الناس
قلبك نسي قلبي اللي مابينساش، عملها ازاي
بقيت مضطر أعيش بهرب من الأيام

و يا ليل
وصله مره سلام او ردلي بجواب
بكلمه ارتاح
دا انا عيني
ما شافت نوم من لما يومها سابني و راح
امانه يا شوق
مافيش مخلوق من اللي انا دوقته مره يدوق
يعيش موهوم في حلمه و لما منه يفوق
بأكتر حد مأمن له بإيديه مقتول

عندي فضول
اسمع حلول
تنهي الزعل و ترد روح
او نهايه للظنون
مش كفايه كل يوم
بقى عندي خوف

ياريته حلم و منه افوق
عمال بيتكرر كابوس
غرقان و انا مابعرفش اعوم

و بيقولوا دلوقتي ليه
حبيب جديد
دا انا قلبي مش هاين عليه
يقول نسيه
بقى دا جزائي و دا اللي بتحاسب عليه
اني مقدرتش اشوفك غير حبيب

أول، و وعد تكون أخير
حبيبي، مش ليك تتقال لمين
حبيبي، هتروح من قلبي فين
و اهو راح منك يا عين
و ماعادش فاضل لينا شئ

واحشاني
و واحشني نفسي اللي كانت معاكي زمان
ماسك صور لينا بنضحك ف وسط الناس
قلبك نسي قلبي اللي مابينساش، عملها ازاي
بقيت مضطر أعيش بهرب من الأيام

Sample comments about this video

"هاي مو اغنيه هاذ تذكير ليش مسلم مختلف عن الكل ..اغنيه مخيفه من كثر الاتقان ومسلم بحد ذاته ما تكدر تسمعه هو يفرض نفسه على مسامعك ..الله يديمك يا رب ❤️"

"جماعه الأغنية دي لازم تكون ترند لأنها متعوب عليها جامد من مسلم وهو مش بيعمل حاجه وحشه فلازم تكون ترند رقم واحد خلال ساعات جمهوريه مسلم تجمع هنا .. ❤"

"شكلك سايب التقيل انت لقدام .. هسيبك تمشي بس بشرط بقت مطلب شعبي مين شايف كده؟؟!"

"الحمدلله اخير مسلم عرف انو مسلم شكرا علي بتقدمو اغانيك كنا عيشينها بس كل واحد عندو أسلوب مختلف"

"ي مسلم بقالنا سنتين مستنيين اغنية هسيبك تمشي بس بشرط بصراحه الموضوع بقي ممل ارفعوا الكومنت يجماعه"

"بحبك يا مسلم داءما مبدع كالعادة رح تظرب هذه الأغنية ❤"

"بجد اغنيه جامده جدا زي اي اغنيه ليك يفنان بس حسيت اغنيه بريحه شتاء 2021"

"الاغنيه ده لاااااااازم تكون ترند السنه ده يلا كلنا نوصل الاغنيه لحته تانيه وللمكانه اللي تستاهلها 💗 الاغنيه بجد عظمه 💓"

"الاغنيه مخيفه مثل مواجهه مخاوف اخر اليوم عندما تنظر لنفسك في المرايا وتسمع كلام روحك"

"‏‪مسلم اغنية حلوه اوي والمخرج فعلا تحفه انا بحبك اوي يا مسلم ممكن ترد عليا بتعليق حلوه كده زي الاغنيه ❤❤❤❤"