مشيتي ولسه كان جوايا ليكي كلام
وكان فيه سنين بتستنانا فيها نعيش
أخدتي معاكي قلبي في يوم ما قُلتي سلام
ومن يومها وقلبي معاكي مارجعليش

إيديا اللي انتي سِبتيها
ليه ريحتك فيها نسيتيها
وليه وقفت حياتي عليكي مابتمشيش
حياتي اللي انتي سايباها
في بُعدك مين هيملاها
وليه بعدك في ليلي النوم مابيزورنيش

قالولي مسيري هنساكي وهما يومين
وراحوا يومين وجابوا يومين ومانسيتكيش
غريبة الشوق بيوجع قلبي ليه يا سنين
غريبة الشوق لدلوقتي مارجعكيش

إيديا اللي انتي سِبتيها
ليه ريحتك فيها نسيتيها
وليه وقفت حياتي عليكي مابتمشيش
حياتي اللي انتي سايباها
في بُعدك مين هيملاها
وليه بعدك في ليلي النوم مابيزورنيش

Sample comments about this video

"البوم متكامل متعوب عليه اللي عايز يسمعه صح يسمعه بالترتيب بتاع اليوتيوب علشان يفهم الرحله اللي بياخدك فيها حماقي من حلاوة البدايات واللوم والانفصال والموف اون والحب الجديد لحد ما نوصل لأغنية شيرين اللي بقت مفهوم سياقها ايه دلوقتي وينتهي الرحله باخر اغنيه قالو ايه والانفصال اللي بيقول عليها غلطه ، سمعوني البوم هيعيش كتير اوي برافو حماقي 👏"

"سعيد جدا بالتعاون التاني من كلماتي مع صديقي الفنان الكبير حماقي في اغنية ( مشيتي ) يارب الاغنية تعجبكم ❤️"

"اللي بيسمع حماقي من زمان ومن جمهوره كمان هيقول ان ديه احلي اغنيه في الالبوم كله"

"صوت الجيتار دا تعرف منه الحان عمرو مصطفى طبعاً تحس ان دا التراد مارك بتاعته ربنا ما يحرمنا منه ❤❤❤❤ اغنية قمة ف الجمال"

"في بحه في صوت حماقي جميله قليل جدا لما يستخدمها ويغني بيها .... عاملها الألبوم ده كله ❤"

"ياحماقي لازم تفهم ان الكميا بينك وعمىو مصطفي رهيبه بتودي ألبوماتك فحته تانيه"

"بجد حلو اووي زي ما عمرو مصطفى قال ، قال الالبوم الجديد لحماقي هيكسر الدنيا. وحصل 🎉🎉"

"الاغاني هادية مناسبة اوي جيل التمنينات تريح الاذن مش الخبط والرزع برافو"

"عمرو مصطفى يا جمااااااعة مش ممكن انت عالمي عالمي ❤❤❤❤ بنحبك وشكرا على شغلك المميز"

"عمرو مصطفي الوحيد اللي مش محتاج يكتب اسمه في الاغنيه لانه مجرد ما تسمعها هتعرف انه هو ملحنها لانه بيعمل حاجات مش طبيعيه 🤩🤩 اغنيه جاحده"