حمام بنات كريناه
وجبنا العروسة و جينا
اميمتها تزعرط ورانا
تبخر وتحوت علينا
جينا سواك ولوبان
جبنا جاوي وبخور
جات في يدينا قفتنا
يا وصلو عالرسول
ومحلى زين وخيتنا
ملا عروسة وملا زول
يهبّل زين بنيتنا
زيدو صلو عالرسول

وعملنا دورة دورة
درنا بالعروسة و شطحنا
صورة للذّكرى وفرحنا
ويالله يالله يالله يالله
شوفى عروستنا محلاها
يالله يالله يالله زين الحمام واتاها

جينا بنيات صافي
وجو الحمام محلاه
فرحك بالخير الوافي
والفرح اليوم بديناه
عملنا حرقوس وحنة
عطاك ربي ما تتمنى
مالقلب فرحنالك فرحة
طول عمرك فيها تتمنى
لبست سفساري حرير
يتمم فرحتنا على خير
صحة الحمام عروستنا
زغرطوإشطح يا ام الخير

Sample comments about this video

"غناية محلاها كلمات موزونة، خدمة متقونة بين الكلمة و اللحن برااافو سليم عبدلله Bonne continuation ❤"

"ان شاء الله على ما احلاها الاغنيه وربي يفرح كل عروسه"

"ما اروع ما غنيت يا منولة ماشاء الله عليك محلاها لغناية و محلاه الايقاع ❤❤❤ برافووووو"

"برافو منولة كي عملت كليب و اغنية على عادة " حمام العروسة التونسية " عادة قرطاجية تونسية بحتة طمعوا فيها دول الجوار و قلدوها لكن تبقى تونس الاصل و الباقي تقليد"

"ماشاء الله كل زين والصلاة والسلام على نبينا وحبيبنا وشفيعنا محمد رسول الله صلى الله عليه وسلم وعلى آله وأصحابه الطيبين الطاهرين وسلم تسليما كثيرا إلى يوم الدين 💚🤍💙🩵"

"ما تلاحظوش الي غنايات العروسات الضاربة الكل لنفس الشاعر و الملحن سليم عبدالله ما شاء الله خطبني،أنا العروسة،خالي حزار،وليد عمي ...❤🎉"

"محلاها الغناية اللي موش باش يعمل حمام السنا يرجع يعملو 😂😂😂🎉🎉🎉❤❤ تهبل الغناية"

"محلاه الكليب افتق و اهبل ❤❤🎉 و غناية ياسر تحفونة ❤🎉 نحبها برشا منال عمارة 🎉❤"