ذا الليل ياسماره ،،
ذاك القمر سمار

الزين ويش أخباره"
بعدي وش اللي صار

تاره يغيب وتاره"
كنه معي فالدار

طيفه يشن بغاره،،
كن له غريم وثار

شفت الغضي في داره
ثم شب قلبي نار.

كورال
نور العيون وماها
حلا حلا ما احلاها
كم عاشق يبغاها
عود يجر الونه

فيها الحسن رباني
ماشفت حسن زيه

مايشبه لها ثاني
عذراء. ولا حوريه

من عودها الرياني
وخدودها الورديه

كن القمر لي باني
من المحيا ضيه

كم ليلة سراني
بدر الدجاء ليليه

غض النهد عناني
بجمرتين حيه

صف البرد رماني
في ثغرها ماريه.

كورال
نور العيون وماها
حلا حلا ما احلاها
كم عاشق يبغاها
عود يجر الونه

سجع الحمام الشادي
في نبره المزيون

والليل الاسود هادي
شعره على المتون

والرمش ظله بادي
كنه سحاب مزون

ظل الوجن وبرادي
من حر شمس الكون

وطرف كحيل سادي
ناعس ونجل عيون

فالخد ورد وكادي
وغمازتين ولون

وعنق زهى بقلادي
وله منحر مكنون

خصر نحيل غادي
قوسينها مفتون

وردف ماهو بالعادي
مهما اكتسى بردون

بالاسم جيت انادي
يافاتنه بالهون

ياغايتي ومرادي
انتي حلا ذا الكون.

كورال
نور العيون وماها
حلا حلا ما احلاها
كم عاشق يبغاها
عود يجر الونه

Sample comments about this video

"الله يجعل كل المنشدين نذر عليك واخص منشدين نجران .. اشكرك ف ذمتي تطربنا باللحون القديمه النجرانيه"

"يا مرحبا تراحيب بدوي فز من خيمته حافي ويا سهلا عدد ما اشتاقت الأرض للحيا والله اللي مرحبا مياتتتتتت❤❤. حي صوتك يا محسن"

"ديتوا مع عبدالله ال فروان مبدعين ماشاءالله تبارك الله الله يستر عليهم 🤲👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👌👏🏻👏🏻👏🏻👌👌👌👌👌👌👌👏🏻🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥"

"كان مبدع بس وش وداه للعود ! خسر اول معجب الي هو أنا 🚶🏻"

"مين لاحظ انو محسن ما بنزل غير اخر السنة و اول السنة وبيعدين بيقطع 😅 بالله عليك لاتطول علينا 🌚 مبدع كالعاده 🖤🔥👑"

"حي ذا الصوت ❤❤❤❤...والله روعه أفضل من اللي صارت ترند وما تسوى شي"

"جعني فدوة صوتك وفدوة الحان نجران ديار يام واصوات يام العريقة ❤ اثبت وجودي قبل الملونية☝🏻😽"

"محسن تكفى قسم بالله ان لك شعبيه لو تستمر لاعاد تقطعنا الله يرحم والديك"