شنطتك ثوبك عباية عودك الكامل
وشالٍ على مفرق الهامه يغطيها

اقولها بالصراحه مقدر اجامل
كل الملابس ترا حسنك يزهيها

ولاحد كامل ولكن الله الكامل
واعطاك كل المحاسن تفتخر فيها

مدري مع الورد والازهار متعامل
يهدونك انوارها ولا انت مهديها

مقدر اركز على توصيفك الشامل
شيٍ مبين وشي مني مخفّيها

احساس فكري بوصفك مذهل وهامل
يصيب وحده وعشر نقاط يخطيها

عينك بها السحر والوجنه بها نامل
ساجي من الحسن في الشريان يسقيها

احاول اقرب عشان وياك نتعامل
واحاسب لكل خطوه صوبك اخطيها

انت اتشاور وانا في خطوتي صامل
ولامر بيديك تاصلها وتنهيها