تل قلبي تل نادرت المزايا
ايرباص تلحق الطارش لزومه

لا شلعها اللي ما يبغا له وصايا
كيف راسه لا خذا فالحو حومه

لا استوت له فوق من فوق الرفايا
كنه يحذف من على البيدا همومه

من فراق اللي عديم فالبرايا
راح حالي عود والنفس محرومه

يوم قفت جد قلن الحكايا
والوناسة عقبها شبه امعدومه

درتن من دونها راحو حميا
صفهم من دونها صفت حكومه

مال زينه لا حدود ولا نهايا
فيه ملح وفيه زين وفيه زومه

من صدفها اركت بكبده كوايا
لو تمر مطوعن ضاعت علومه

ياخذ من الظبي ميزات وحلايا
وعين حرن رمشها تدمي اسهومه

يدخل الرجال من شانه قضايا
من هلك في بحر حبه من يلومه

Sample comments about this video

"هلا هلا بلجديد وصح لسان الشاعر ولسان المنشد المبدع فالح الطوق ❤😊"

"الله الله ي فالح صح صوتك 👏👏👏 صح لسان الشاعر 🫡👏"